Qaraǵandy oblysy, Taldy tarıhı-arheologııalyq parkinde Baıqasqa-2 qorǵanyndaǵy negizgi tabylymdardyń qatarynda adam súıekteri, janýarlardyń qaldyqtary, qola men múıizden jasalǵan jebe ushtary, sondaı-aq órnekti keramıka bar, dep habarlaıdy Egemen.kz.
Sonymen birge, qorǵannyń batys bóliginen keıingi kezeńge jatatyn 11 jerleý orny anyqtaldy.
– Bizdiń óńir úshin bul óte sırek kezdesetin eskertkish. Ásirese mańdaı tusynan tesilgen bas súıek synyǵy erekshe nazar aýdartty. Mundaı tabylym Ortalyq Qazaqstan aýmaǵynda óte sırek ushyrasady. Bul ǵuryptyq rásimniń belgisi nemese jerlengen adamnyń aıryqsha áleýmettik mártebesin bildirýi múmkin, – dedi «Arheologııalyq zertteýler» JShS qyzmetkeri Anvar Karımov.