QR Prezıdenti Qasym-Jomart Toqaev Ulytaý óńiriniń áleýmettik-ekonomıkalyq damýyna erekshe mán berip otyr. Oblysta turǵyndardyń ómir súrý sapasyn jaqsartýǵa baǵyttalǵan jobalar qolǵa alyndy, dep habarlaıdy Egemen.kz.
Memleket basshysynyń tapsyrmasymen densaýlyq saqtaý nysandary qurylysyna Arnaýly memlekettik qordan 880 mln. teńge bólingeni osynyń dáleli.
Zańsyz ıemdenilgen aktıvterden túsken qarajat «Aýylda densaýlyq saqtaýdy jańǵyrtý» ulttyq jobasy aıasynda Ulytaý aýdany jáne Jańaarqa aýdanyndaǵy medısınalyq-sanıtarııalyq alǵashqy kómek kórsetetin jeti nysannyń qurylysyna jumsaldy.
Atap aıtqanda, Aqtúbek jáne Keńgir aýyldarynda jańa eki dárigerlik ambýlatorııa salyndy. Sondaı-aq Betbulaq, Pıoner, Qorǵasyn, Aınabulaq jáne Egindi aýyldarynda bes medısınalyq pýnkttiń qurylys jumysy júrip jatyr.
Nysandardy jyl sońyna deıin paıdalanýǵa berý josparlanǵan.
Atalǵan jobalardy júzege asyrý aýyl turǵyndarynyń der kezinde medısınalyq kómekke júginýine múmkindik beredi.
Ulytaý oblysy