Azııa fýtbol konfederasııasynyń (AFK) tártiptik komıteti О́zbekstan fýtbol qaýymdastyǵyna birneshe ereje buzýshylyq úshin 340 myń AQSh dollary kóleminde aıyppul taǵaıyndady. Jaza 2026 jylǵy álem chempıonatyna irikteý kezeńine baılanysty 10 maýsym kúni Tashkentte ótken О́zbekstan-Qatar oıynyna qatysty, dep habarlaıdy Egemen.kz.
AFK sheshiminde Assosıasııa matchtan keıingi jabylý saltanatyn konfederasııanyń kelisiminsiz uıymdastyrǵany atap ótilgen. О́FQ sondaı-aq AFK men onyń resmı seriktesteriniń marketıngtik quqyqtaryn tolyqqandy qorǵaı almady. Nátıjesinde «ambýsh-marketıng» dep atalatyn qubylysqa jol berilgen. Bul tártip buzýshylyq resıdıvtik jaǵdaı retinde qarastyrylǵan.
AFK sheshiminde «ambýsh-marketıng» uǵymy dep fýtbolshylardy marapattaý kezinde BYD avtokólikteriniń tikeleı stadıon alańyna qoıylyp, sol jerde syılyq retinde tabystalýy túsindiriledi.
Sonymen qatar Assosıasııa resmı is-sharalardy ótkizý kezinde baspasóz máslıhattary men suhbat uıymdastyrýda tıisti qoldaý kórsete almaǵan. Bul da tártiptik komıtet sheshimine áser etken faktorlardyń biri boldy.
Aıyppul eki bólikke bólinip belgilendi: 300 myń jáne 40 myń dollar kóleminde eki túrli buzýshylyq úshin.