Atyraý qalasynyń ákimdigi turǵyndardy «Júgirý festıvali» týraly feık aqparatqa senbeýge shaqyrdy, dep habarlaıdy Egemen.kz.
«Atyraý qalasynyń ákimdigi 15 qazan kúni ótedi dep áleýmettik jelilerde taraǵan «Júgirý festıvali» týraly aqparattyń shyndyqqa sáıkes kelmeıtinin habarlaıdy. Atalǵan is-sharany uıymdastyrýshylar QR qoldanystaǵy zańnamasyna sáıkes qoǵamdyq oryndarda buqaralyq is-shara ótkizýge jergilikti atqarýshy organdardan ruqsat almaǵan. Jarnamalarda qatysý aqysy 5000 teńge dep kórsetilgen. Bul azamattardy shatastyrýy múmkin», dep habarlady ákimdiktiń baspasóz qyzmeti.
Jergilikti ákimdik qala turǵyndaryna saq bolýdy, beıtanys tulǵalarǵa aqsha aýdarmaý men tek resmı derekkózderge senýdi eskerti.
«Ruqsat etilgen is-sharalar týraly aqparat ákimdiktiń resmı arnalary arqyly qosymsha habarlanatyn bolady», dep málimdedi ákimdik baspasóz qyzmetinen.