Jer úıdi, monshany bir batyrma arqyly áp-sátte jylyta salatyn avtomatty qazandyqtar Qaraǵandyda óndiriledi. Zamanaýı peshi ishki naryqty qamtyp, tipti shetelge de eksporttalyp jatqan «Gornıak avtomatty qazandyqtary» kásiporny – óz salasynda kóshbasshy. Prezıdent Joldaýda: «О́ńdeý ónerkásibiniń damýyna jańa serpin beretin ýaqyt keldi» degen edi. Atalǵan seriktestik óńir ónerkásibiniń órkendeýine eleýli úles qosyp otyr.
Kásiporyn basshysy Danıl Berezınniń aıtýynsha, bul berekeli bıznesti áýeli ákesi Andreı Alekseevıch bastap, keıin ulyna senip tapsyrǵan. Danıl Andreevıchtiń de kompanııaǵa basshylyq etkenine 10 jyldan asypty.
Ákesi Andreı – tájirıbeli dánekerleýshi. Sodan óz úıine avtomatty túrde jylý taratatyn turmystyq qazandyqty jasap shyǵarýdy oılastyrypty. Kúni-túni pesh kúzetip, mashaqattan qutylýdy kózdegen ol tehnologııasyn biraz ýaqyt izdegen kórinedi. Sóıtip, qyzýy kúshti peshti jasap shyǵarady. Muny kórgen tamyr-tanysy, kórshi-qolańy Andreıdiń altyn qolynan shyqqan peshke qyzyǵyp, tapsyrys beredi. Osylaısha, avtomatty jylytý peshiniń aty shyǵyp, qazir ındýstrıaldy alyp kompanııaǵa aınalady.
«Úıdiń shoıyn peshteri men avtomatty qazandyqtar óndirip, qazir tájirıbeli 180 mamandy jumyspen qamtyp otyrmyz. 2013 jyly kásipornymyzdy zańdastyryp, «Gornıak» brendin qalyptastyrdyq. Reseı, Qyrǵyzstan, О́zbekstan elderinen de tapsyrys alamyz. Kásiporynda qazandyqtar men sý jylytqyshtardan bastap, jeldetkishter men avtomatıkaǵa deıin óndirilip jatyr. Qatty otyn, gaz, elektr qazandyqtary, monsha peshteri men sorǵylardyń sapa kepili bar», deıdi kásiporyn basshysy.
Aıtýynsha, taıaýda ıtalııalyq mamanmen seriktestik ornatyp, kásiporynǵa birqatar jańashyldyq ta engizipti. Jaqynda RBK banki men «Damý» qorynyń jan-jaqty qoldaýynyń arqasynda derbes ǵımaratqa kóship barypty.
О́nerkásiptik robototehnıka salasyndaǵy álemge «Kuka» ataýymen tanymal nemis kompanııasynyń dánekerleý robottary qyzmetterin minsiz atqarady: temir tigisin joǵary dáldikpen dánekerleıdi. Iаǵnı ónim sapasy artady. Atalǵan nemis kompanııasy avtomattandyrý jáne robot jasaý tehnologııalaryn damytýda álem boıynsha jetekshi sanalady. Onyń robottary avtomobıl, logıstıka, elektronıka, medısına, metall óńdeý jáne basqa da salalarda keńinen qoldanysqa ıe. Kompanııada keń aýqymdy qyzmet túri bar. Júıe jolǵa qoıylǵan. Eldiń túkpir-túkpirinde kásiporyn fılıaldary men dúkenderi jumys isteıdi. Qazir Qaraǵandy, Almaty, Astana, Kókshetaý, Petropavl, Qostanaı jáne О́skemende ornalasqan 13 dúkeni tutynýshylarǵa joǵary qyzmet túrin usynyp otyr.
Kásiporyn óz ónimderinen bólek, halyqaralyq deńgeıdegi áıgili brendterdiń pesh jabdyqtaryn da usynady. Mysalǵa, «Ferrolli» men «Immergas» (Italııa), «Kospel» (Polsha), «Metallık ı Ko» (Reseı), «KG Elektronik» (Túrkııa), «Kelet» (Almaty) sııaqty álemdik óndirýshilerdiń jabdyqtary kompanııanyń ónim jelisin tolyqtyryp, tutynýshylarǵa aýqymdy tańdaý múmkindigin usynyp otyr.
Kásiporynda gaz, kómir jáne elektrlik jylytý qazandyǵyn kez kelgen aımaqqa turaqqa jetkizý qyzmeti bar. Sapa kepildigi de qosa beriledi. Jylytý qazandyqtary jeke úılerdi, saıajaılardy, óndiristik jáne qoımalyq ǵımarattardy jylytý úshin sátti qoldanylady. Ári mundaǵy tájirıbeli mamandar jabdyqty tańdaýǵa keńes berip, ony jetkizip, qajet deseńiz, ornatý jumystaryna qolǵabys etedi.
Qazirgi ýaqytta «Avtomatty qazandyqtar» óz ónimderin «Must» brendi boıynsha ınvertorlarmen tolyqtyryp otyr. Bul ınvertorlar elektr qýaty óshken jaǵdaıda aınalym sorǵysyn toqtatpaı, qazandyqtyń qyzyp ketýine jol bermeı, jylý berýdi qamtamasyz etedi. Osyndaı ońtaıly qurylǵyny qosa usynatyn kompanııa árdaıym izdenis ústinde. О́ıtkeni qyzmetkerlerin jyl saıyn arnaıy oqý kýrstaryna jiberedi. О́ndiristik tájirıbeden ótýge kelgen stýdentterge de esigi ashyq. Tipti jumys-sharýany jedel meńgeretin bolsa qatarlaryna qosýǵa da daıyn.
Qaraǵandy oblysy