Ýaqyt kózge kórinbeıtin, biraq bárin óz yrǵaǵymen rettep otyratyn qubylys. Ol tynysh aǵyp jatqan ózen sekildi. Biz onyń aǵysymen júremiz, biraq toqtata da, keri bura da almaımyz.
Qyzyǵy, keı janýarlar ýaqytty basqasha sezinedi. Mysaly, masanyń ómiri birneshe saǵat qana, al tasbaqa ǵasyrdy kóredi. Ýaqyt ekeýi úshin birdeı ótse de, ony qabyldaý aıyrmashylyǵy orasan.
Al adam úshin ýaqyt – es pen oıdyń ólshemi. Keı sát kózdi ashyp-jumǵandaı ótedi, keıde bir mınýt máńgilikke uqsaıdy. Demek ýaqyttyń aǵysy tek syrtta emes, bizdiń sanada da bar. Bálkim, ýaqyt ǵalamnyń emes, adamnyń ishki ólshemi shyǵar…
Daıyndaǵan – Ramazan ORYNBASAR,
L.N.Gýmılev atyndaǵy EUÝ stýdenti