Respýblıka kúni qarsańynda Shet aýdany Sáken Seıfýllın kentiniń turǵyndary úlken qýanyshqa keneldi. «Keleshek mektebi» ulttyq jobasy aıasynda jańa zamanaýı mektep óz esigin aıqara ashty, dep jazady Egemen.kz.
300 orynǵa arnalǵan bilim ordasynda oqýshylardyń jan-jaqty damýyna jáne sapaly bilim alýyna barlyq múmkindik jasalǵan.
Munymen qosa, STEM-zerthana, jaratylystaný-matematıkalyq baǵyttaǵy synyptar, robototehnıka men grafıkalyq dızaın kabınetteri, túrli úıirmelerge arnalǵan arnaıy bólmeler jumys isteıdi.
Mektepke jasandy ıntellekt tehnologııasymen jabdyqtalǵan 22 ınteraktıvti taqta ornatylǵan.
Bilim ordasy qaýipsizdik turǵysynan da zamanaýı talaptarǵa saı. Munda polısııamen tikeleı baılanys ornatýǵa arnalǵan dabyl túımeleri qoıylǵan. Olar beınekameralarmen jabdyqtalǵan, bul tótenshe jaǵdaıda ahýaldy jedel anyqtap, tez áreket etýge múmkindik beredi.
Erekshe bilim berýdi qajet etetin balalar úshin de barlyq jaǵdaı qarastyrylǵan.
Mektep aýmaǵy da abattandyrylǵan: fýtbol, voleıbol, basketbol jáne hokkeı alańdary, sondaı-aq vorkaýt aımaǵy bar.
Qaraǵandy oblysyShet aýdany