Sý resýrstary jáne ırrıgasııa birinshi vıse-mınıstri Nurlan Aldamjarov Energy China korporasııasynyń prezıdenti Sıao Sıýbın bastap kelgen QHR delegasııasymen kezdesti, dep habarlaıdy Egemen.kz.
Sala mınıstrliginiń málimetinshe kezdesýde taraptar yntymaqtastyqtyń úsh negizgi baǵytyn talqylady. Olar: sý sharýashylyǵy ınfraqurylymyn jańǵyrtý boıynsha birlesken ınvestısııalyq jobalardy iske asyrý, sý resýrstaryn basqarýǵa ınnovasııalyq tásilderdi engizý, sonyń ishinde sýdy esepke alý men bólýdi sıfrlandyrý, tazartylǵan aǵyn sýdy qaıta paıdalaný jáne sý únemdeý tehnologııalaryn engizý, sondaı-aq kadrlardy birlesip daıarlaý.
Qytaılyq bıznes ókilderi Sý resýrstary jáne ırrıgasııa mınıstrligi ázirlegen 2030 jylǵa deıingi sý resýrstaryn basqarý júıesin damytý tujyrymdamasymen tanysyp shyqqanyn jáne Qazaqstannyń sý sharýashylyǵy salasyna ınvestısııa salýǵa daıyn ekenderin málimdedi. Sonymen qatar Energy China ókilderi korporasııa Qytaıda jáne basqa da elderde júzege asyrǵan eń iri jobalar týraly baıandap berdi.
Kezdesý qorytyndysy boıynsha taraptar yntymaqtastyqtyń keleshek baǵyttaryn sarapshylar deńgeıinde egjeı-tegjeıli qarastyrýǵa kelisti.