Mamlıýt aýdanyndaǵy «Mámbetov jáne K» KS sharýashylyǵynda kóp jyldan beri eńbek etip kelemin. Búgin eńbegim janyp, osyndaı joǵary dárejeli marapatqa ıe bolǵanyma qýanyshtymyn.
Arǵy babalarymyz, atam da, ákem de osy aýylda jumys istedi. Atakásipti urpaqtan-urpaqqa jalǵastyryp kele jatqan áýletpiz. Búginde osy salada eńbek etetin 30-dan astam Qarajuman áýletiniń ortaq eńbek ótili 600 jyldan asady.
Áýlettiń negizin qalaýshy atamyz Qýat Ysqaquly Qarajumanov boldy. Onyń eńbek jolyn uldary Ermek, Keńes, Marat jalǵastyrdy. Búginde áýlettiń tórtinshi býyny, nemereler – Murat, Sáken, Qalken, Qaısar, Oralbaı, Amantaı, Maqsat týǵan ólkesiniń ıgiligine eńbek etip, aýyl sharýashylyǵynyń damýyna eleýli úles qosyp júr.
Kezinde sharýashylyǵymyzdyń negizin qalaǵan, qazirde Májilis depýtaty E.Mámbetovten bastap, joǵary marapatqa ıe bolǵanymmen quttyqtaýshylar kóp. Bárine alǵysym sheksiz. Adal eńbek eshqashan eleýsiz qalmaıdy. Egemen elimizdiń irgesi tynysh bolsyn, ishi yrysqa tolsyn.
Soltústik Qazaqstan oblysy