Qurlyqtyq hokkeı lıgasynyń kezekti týrynda elordalyq «Barys» komandasy Omby qalasynda «Avangardqa» qarsy muz aıdynyna shyǵady. Oıyn Qazaqstan ýaqytymen 18:20-da bastalyp, «Qazsport» telearnasynan tikeleı efırde kórsetiledi, dep habarlaıdy Egemen.kz.
Buǵan deıin qos komanda 76 ret kezdesip, olardyń 25-inde elordalyq «Barys» jeńiske jetken. Qalǵan matchtarda Ombynyń «Avangardy» ústem túsken.
Qazir QHL týrnır kestesinde «Barys» 19 upaımen 15-orynda, al qarsylasy «Avangard» 25 upaımen 7-satyda tur. Bul oıyn qazaqstandyq klýb úshin pleı-off aımaǵyna jaqyndaı túsýge múmkindik beretin mańyzdy syn bolmaq.
Aıta keteıik, «Barys» kelesi kezdesýin 31 qazanda syrt aıdynda Chelıabide «Traktorǵa» qarsy ótkizedi.