Qustyń tas jutýy alǵash qaraǵanǵa oǵash kórinýi múmkin. Biraq ǵalymdar muny tabıǵattyń ádemi tepe-teńdigi deıdi.
Sebebi qustardyń tisi bolmaıdy, sondyqtan taǵamdy usaqtaý isin tastar atqarady. Maıda qıyrshyqtar jemsaýdan keıingi «asqazanǵa» jınalyp, birtindep «tiri dıirmenge» aınalady. Bulshyq et jıyrylǵan saıyn tastar qozǵalyp, dán men shópti untaqtap, as sińirýdi jeńildetedi. As tolyq qorytylǵan soń, qus tastardy syrtqa shyǵaryp tastaıdy da, qajet bolsa jańasyn jutady.
Qustyń denesi jeńil bolýy kerek, al aýyr tis qurylymy oǵan kedergi keltirer edi. Osylaısha, tabıǵat oǵan qarapaıym, biraq ǵajaıyp amal tapqan.