Jaqyn arada qazaqstandyqtarǵa aqaýy bar jol ýchaskeleriniń naqty tizimi usynylady, dep habarlaıdy Egemen.kz.
2025 jylǵy 15 qyrkúıekten bastap kúshine engen jańa erejelerge sáıkes, júrgizýshiler jol sapasy normatıvterine saı kelmeıtin ýchaskeler úshin aqy tólemeıdi. Alaıda áli kúnge deıin qaı joldarda júrý tegin bolatyny resmı túrde jarııalanǵan joq.
Ulttyq kompanııanyń málimetinshe, arnaıy komıssııa barlyq aqyly joldardy tekserip jatyr. Qurastyrylǵan aktiler Kólik mınıstrligine joldanady, al mınıstrlik tólem mólsherin ózgertý týraly buıryq daıyndaıdy. Aqaýy bar jol ýchaskeleriniń tizimi osy jyldyń qarasha aıynyń sońyna deıin jarııalanýy tıis.
– Mysaly, eger komıssııa 100 km joldyń ishinde kem degende 10 km normatıvke saı emes dep tapsa, biz tıisti ózgerister engizemiz. Tólem tek qalǵan 90 km úshin alynady. Aqaýlar joıylǵannan keıin bul ýchaskeni qaıtadan aqyly joldar qataryna qosý quqyǵyn saqtaımyz. Komıssııa 10 qarashaǵa deıin barlyq aqyly joldardy tekserip bitirýi tıis. 25–30 qarasha aralyǵynda Kólik mınıstrligi buıryq shyǵaryp, qaı ýchaskeler úshin tólem alynbaıtynyn habarlaımyz, – dedi "QazAvtoJol" UK" AQ basqarma tóraǵasy Darhan Imanashev.
Kólik mınıstrligi júrgizýshiler jol qozǵalysynyń qaýipsizdigi men jaılylyǵyna kedergi keltiretin aqaýlar anyqtalǵan ýchaskeler úshin aqy tólemeıtinin málimdegen. Alaıda vedomstvo naqty qaı joldar týraly sóz bolyp otyrǵanyn jáne bul jańashyldyqtyń qalaı retteletinin naqtylamaǵan.