Qytaı dúısenbi kúni Haınan provınsııasyndaǵy Venchan ǵarysh aılaǵynan Jerdi qashyqtan zondtaýǵa arnalǵan jańa «Iаogan-46» spýtnıgin sátti ushyrdy, dep habarlaıdy Egemen.kz Sınhýa agenttigine silteme jasap.
Beıjiń ýaqytymen saǵat 11:47-de ushyrylǵan «Chanchjen-7» («Uly joryq-7») zymyran tasyǵyshy spýtnıkti eseptelgen orbıtaǵa dál shyǵardy. «Iаogan-46» jerdi qashyqtan zondtaý spýtnıgi tabıǵı apattardyń aldyn alý men olardyń saldaryn azaıtý, jer resýrstaryn zertteý, gıdrologııa men meteorologııa salalaryndaǵy ǵylymı jumystardy jetildirý maqsatynda qoldanylatyn bolady.
Bul «Chanchjen» zymyrandar serııasynyń 605-shi sapary sanalady. Qytaıdyń ǵarysh salasy sońǵy jyldary belsendi damyp, Jerdi zertteý men monıtorıng baǵytyndaǵy tehnologııalyq áleýetin arttyryp keledi.