Qurylys salasyndaǵy jańa bastama

Keshe Premer-Mınıstrdiń birinshi orynbasary Baqytjan Saǵyntaev Kásipkerlik qyzmetti retteý máseleleri jónindegi vedomstvoaralyq komıssııanyń otyrysyn ótkizdi, dep habarlady Premer-Mınıstrdiń baspasóz qyzmeti. Otyrys barysynda qurylys salasyndaǵy jańa rettegish qural­dar yqpalyna jasalǵan taldaýlar nátıjeleri qaraldy. Bul jańa bas­tama Ulttyq kásipkerler pala­tasy men salalyq assosıasııa­lar tarapynan oń qorytyndyǵa ıe boldy. Otyrysqa qatysýshylar kelesi rettegish quraldardy en­gizýge qol­daý bildirdi. Olar: tap­syrys berýshiniń fýnksııasyn júze­ge asyrý jáne qurylys nysan­daryn tapsyrý boıynsha qury­lys jo­balaryn basqarý jó­nindegi ınjınırıngtik kompa­nııa­lardy akkredıtteý; ǵımarat­tar men qurylystardyń senim­diligi men turaqtylyǵyna teh­nıkalyq baı­qaýdy jáne teh­nıkalyq zert­teýdi júzege asyratyn zańdy tulǵa­lardy akkredıt­teý; qurylys jáne jobalaý uıym­darynyń ınje­­nerlik-tehnıkalyq qyz­met­ker­l­erin attestattaý jónindegi mem­lekettik emes ortalyqtardy akkredıtteý. Tıisti jaǵdaılar (ózin-ózi retteý týraly zańnyń qabyldanýy, jaýapkershilikti belgileý) bolǵan jaǵdaıda akkredıtteýdiń bul túrleri keleshekte básekeles ortaǵa beriletin bolady. Atalǵan quraldardy engizý qurylys jobalaryn basqarýǵa, tehnıkalyq qadaǵalaý men zertteý salasyna, attestasııalyq ortalyqtar jumysyna mýltıplıkatıvti áser beretin bolady.