Búgin Astanada Qazaqstan memlekettik statıstıkasynyń 105 jyldyq mereıtoıyna oraı «Ulttyq statıstıkalyq júıelerdi sıfrlyq transformasııalaý» atty halyqaralyq forým jumysyn bastady, dep jazady Egemen.kz.
Forýmda Qytaı, Sıngapýr, Grýzııa, Vengrııa, Indonezııa, Serbııa jáne TMD elderiniń statıstıka qyzmetteriniń basshylary men ókilderinen quralǵan 150-den astam qatysýshy bas qosty. Sondaı-aq is-sharaǵa halyqaralyq uıymdar BUU, BUU EEK, EYDU, Dúnıejúzilik bank, Azııa damý banki, IýNIDO, IýNFPA ókilderimen qatar memlekettik organdardyń, ǵylymı jáne saraptamalyq qaýymdastyqtyń ókilderi de qatysyp jatyr.
Forýmda statıstıkany sıfrlandyrýdyń zamanaýı úrdisteri, derekterdiń sapasy men qundylyǵyna qatysty taqyryptar talqylanyp, memlekettik basqarý júıesine «úlken derekter» men jasandy ıntellekt tehnologııalaryn engizý máseleleri sóz boldy.
Forýmnyń plenarlyq otyrysyn ashqan Strategııalyq josparlaý jáne reformalar agenttiginiń tóraǵasy Áset Erǵalıev elimizdiń Táýelsizdik jyldarynda statıstıka salasy josparly ekonomıkanyń esep júıesinen BUU, EYDU, HVQ jáne basqa da uıymdardyń halyqaralyq standarttaryna tolyq sáıkes keletin zamanaýı júıege deıingi aýqymdy damý jolynan ótkenin atap ótti.
«Statıstıka – ashyqtyq pen senimniń kepili. Mereıtoı – bul tek qorytyndy shyǵarý ǵana emes, jańa belesterdi aıqyndaý múmkindigi. Halyqaralyq yntymaqtastyqtyń arqasynda qazaqstandyq statıstıka BUU-nyń Turaqty damý maqsattaryna qol jetkizý isine aıtarlyqtaı úles qosa beredi», dedi Áset Erǵalıev.
TMD Memleketaralyq statıstıka komıtetiniń tóraǵasy Konstantın Laıkam álemdik statıstıka qaýymdastyǵy aqparattyq ortanyń damýy men qoǵamdyq ómirdegi ózgeristerge baılanysty kúrdeli syn-qaterlermen betpe-bet kelip otyrǵanyn jetkizdi.
«TMD Statıstıka komıtetiniń atynan qazaqstandyq áriptesterimizdi mereıtoımen shyn júrekten quttyqtaımyn jáne forýmdy joǵary deńgeıde uıymdastyrǵandary men jyly qabyldaýlary úshin rızashylyǵymdy bildiremin. Qazaqstandyq statıstıkter mol tájirıbe jınaqtady, jáne onyń TMD elderi úshin paıdaly bolaryna senimdimin. Tek birlesken kúsh-jiger arqyly biz jahandyq syn-qaterlerge tıimdi jaýap berip, statıstıkany halqymyzdyń ıgiligi úshin paıdalana alamyz», dedi ol.
Forým baǵdarlamasyna ulttyq statıstıka júıeleriniń sıfrlyq transformasııasy, derekter sapasyn arttyrý, úlken derekter men jasandy ıntellektini paıdalaný, sondaı-aq statıstıka paıdalanýshylarymen tıimdi kommýnıkasııa máselelerine arnalǵan sessııalar da engizilgen.
Forým barysynda Azııa damý banki, IýNFPA, Halyk Bank, KazAID jáne Indonezııanyń Statıstıka agenttigimen ózara yntymaqtastyq týraly memorandýmdarǵa qol qoıý josparlanǵan.