2025 jyl bastalǵaly beri 111 biryńǵaı baılanys ortalyǵyna balalardan 110 myń 999 ótinish túsken. Naqty ataǵanda, 108 987 ótinish mektepter men kolledjderde ornalastyrylǵan QR kodtar arqyly, al 2012 qońyraý telefon arqyly qabyldanǵan, dep jazady Egemen.kz.
Eń kóp ótinish túsken óńirler: Almaty qalasy (9 160), Batys Qazaqstan (7 654), Túrkistan (7 478) aımaqtary. Al eń az kórsetkishter: Ulytaý (1 017), Soltústik Qazaqstan (1 738), Abaı (1 765) oblystary.
Balalardyń quqyqtaryn qorǵaý komıtetiniń málimetinshe, 3 499 balaǵa psıhologııalyq kómek kórsetilip, 1 602 ótinish boıynsha tıisti memlekettik organdarmen birlesip, jedel qoldaý uıymdastyrylǵan.
«Kún saıyn mamandar júzdegen balanyń janaıqaıyn estıdi. Biri ýaıymyn, biri qorqynyshyn, endi biri otbasyndaǵy qıyndyqty, biri ata-ana, dostar arasyndaǵy túsinispeýshilikti bólisedi», dedi atalǵan komıtettiń tóraǵasy Nasymjan Ospanova.