Áleýmettik nysandar salý jáne rekonstrýksııalaý jónindegi Prezıdent tapsyrmasyn júzege asyrý aıasynda Batys Qazaqstan oblysynda 27 jobany iske qosýǵa Arnaýly memlekettik qordan 17,7 mlrd teńge bólindi.
Memleket basshysynyń tapsyrmasyna sáıkes jumystar júrgizilip jatyr. Negizgi mindetter – halyqty sapaly aýyzsýmen 100% qamtamasyz etý, aýyldaǵy densaýlyq saqtaý júıesin jańǵyrtý. Arnaýly memlekettik qordan barlyǵy 27 jobany júzege asyrýǵa 17,7 mlrd teńge bólingen.
Júzege asyrylyp jatqan jobalardyń ishinde 11 sýmen qamtý jobasy bar, olardyń iske qosylýy aýyldyq eldi mekenderdi sapaly aýyzsýmen qamtýdy keńeıtip, halyqtyń ómir súrý jaǵdaıyn jaqsartýǵa múmkindik beredi.
Sondaı-aq 16 joba aýyldyq jerlerde alǵashqy medısınalyq-sanıtarlyq kómekti damytýǵa baǵyttalǵan. Olardyń qatarynda Syrym, Aqjaıyq, Bórli, Jańaqala jáne Báıterek aýdandarynda feldsherlik-akýsherlik pýnktter, dárigerlik ambýlatorııalar men medısınalyq pýnktter qurylysy bar. Jańa densaýlyq saqtaý nysandarynyń ashylýy aýyl turǵyndaryn bilikti medısınalyq kómekpen qamtamasyz etip, aýdandyq aýrýhanalardaǵy júktemeni azaıtady.
Búginde Batys Qazaqstan oblysynda 15 joba tolyq aıaqtalǵan. Jyl sońyna deıin taǵy 10 nysan paıdalanýǵa beriledi, al qalǵan ekeýin 2026 jyly aıaqtaý josparlanyp otyr.