Qalyń muzdyqtardyń kógildir túske boıalatynyn baıqaǵan bolarsyz. Bul tús boıaýdan emes, jaryqtyń muzda erekshe synýynan paıda bolady.
Muz qurylymy óte tyǵyz bolǵandyqtan, ol kún sáýlesiniń qyzyl spektrin sińirip, tek kógildir bóligin ǵana ótkizip jiberetini anyqtalǵan. Sondyqtan muzdyń ishki qabattary neǵurlym qalyń bolsa, túsi soǵurlym qoıý kók bolyp kórinedi. Antarktıda muzdary osy qubylystyń eń aıqyn mysaly. Ǵalymdar muzdyń túsin zertteı otyryp, onyń jasyn, quramyn jáne klımattyń ózgerýin anyqtaıdy. Kógildir muz – jer tarıhynyń únsiz kýágeri, myńdaǵan jyl boıǵy klımat jazbasy. Tabıǵattaǵy tústiń ózi aqparat tasýshyǵa aınalatyny tańǵalarlyq.
Ramazan ORYNBASAR,
L.N.Gýmılev atyndaǵy EUÝ stýdenti