Inflıasııany turaqtandyrý – basym baǵyt

Ulttyq ekonomıka mı­nıstri­niń birinshi orynbasary Azamat Ámrınniń aıtýyn­sha, qazan aıynda aqyly qyz­metterdiń baǵasy 0,8%-ǵa tómend­egen. Bul kommýnaldyq qyz­metter tarıf­teri men otyn baǵasyn kóterýge mora­torıı­diń kúshine enýimen baı­la­nysty. Moratorıı 16 qazan­nan bas­tap iske qosyldy.

«Qazan aıynda jyldyq ınflıasııa 0,3 paıyzdyq tarmaqqa baıaýlap, 12,6%-dy qurady. Bul kórsetkish qyr­kúıek aıynda 12,9% bolǵan. Respýblıkanyń 10 óńirinde ınflıa­sııa deńgeıi 10%-dan joǵa­ry boldy. Eń úlken ósim Qaraǵan­dy (14,2%), Ulytaý (14,2%), Atyraý (13,8%), Aqtóbe (13,5%) oblys­tarynda, son­daı-aq Shymkent  (13,2%), Astana qalasynda (13%) tirkeldi», dep atap ótti A.Ámrın. 

Qazan aıynda aılyq ınflıasııa 0,5%-dy qurap, qyrkúıek aıynan tómen boldy. Azyq-túlik ınflıasııasy 1%, azyq-túliktik emes ınflıasııa 1,2% boldy.

Barlyq óńirde kókónis satyp alý tolyǵymen aıaqtal­dy. Kókónis pen sıyr eti baǵa­laryn turaqtan­dyrý maqsatyn­da Aýyl sharýashylyǵy mı­nıstr­­ligi men ákimdik­ter ha­lyq­­tyń úsh aılyq surany­syna sáı­kes satyp alý kóle­min 30%-dan 50%-ǵa deıin ulǵaıtty.

Nátıjesinde, negizgi ónim­der boıynsha satyp alý kólemi kelesi kórsetkishterge ósti: kartop 117,5 myń tonnadan 146,8 myń tonnaǵa (+25%); sábiz 28,1 myń tonnadan 35,3 myń tonnaǵa (+26,6%); pııaz 21 myń tonnadan 27,4 myń tonnaǵa (+30,4%); qyryqqabat 26,6 myń tonnadan 37,2 myń tonnaǵa (+43,6%); sıyr eti 1,6 myń tonnadan 9,9 myń tonna­ǵa, bul bastapqy kólemnen 6,2 ese artyq.

Jıyndy qorytyndylaı kele,  vıse-premer ákimdikter men memlekettik organdarǵa áleýmettik mańyzy bar azyq-túlik ónimderinen bólek, azyq-túlik ınflıasııasyna áser etetin basqa da taýarlar (qyzanaq, qııar, et farshy, tomat pastasy, balyq jáne basqa da ónimder) baǵalaryn baqylaýdy kúsheıtýdi tapsyrdy. Sonymen qatar otandyq óndirýshilerdiń ónimderine halyqtyń tikeleı qol jetkizýin qamtamasyz etý úshin aýyl sharýashylyǵy jármeńkeleriniń sanyn arttyrý qajettigin atap ótti.