О́zbekstan Respýblıkasynyń Samarqan qalasynda ótken IýNESKO Bas konferensııasynyń 43-sessııasy aıasynda Túrki mádenıeti jáne murasy qory uıymdastyrǵan is-sharada alǵash ret túrki órkenıetiniń tereńdigi men ulylyǵyn beıneleıtin biregeı jobalardyń tusaýkeseri ótti.
Is-shara barysynda túrki halyqtarynyń mádenı murasyna arnalǵan jáne túrki memleketteri basshylary bekitken «Túrki áleminiń keleshegi – 2040» jáne «TURKTIME» strategııalyq qujattaryna sáıkes daıyndalǵan «Túrki áleminiń mádenı kody» atalǵan keńistik mádenı murasynyń katalogi, sondaı-aq О́zbekstan Respýblıkasy Prezıdenti Shavkat Mırzııoevtiń tapsyrmasymen jáne túrki elderi basshylarynyń qoldaýymen júzege asqan kóptildi, kóptomdyq «Túrki folklorlyq murasy» antologııasy tanystyryldy.
IýNESKO-nyń 43-sessııasynda qabyldanǵan sheshimge sáıkes «15 jeltoqsan – Dúnıejúzi túrki tilderi kúni» (World Turkic Language Family Day) bolyp jarııalanǵany belgili. Osyǵan baılanysty ótken jıyndy Túrki mádenıeti jáne murasy qorynyń prezıdenti Aqtoty Raıymqulova ashyp, IýNESKO men О́zbekstan Respýblıkasyna is-sharany joǵary deńgeıde uıymdastyrýǵa kórsetken qoldaýy men qonaqjaılyǵy úshin alǵysyn bildirdi. Ol qor shyǵarǵan «Túrki áleminiń mádenı kody» katalogi men kóptildi, kóptomdyq «Túrki folklorlyq murasy» antologııasy týraly baıandap, osy jobalardy júzege asyrýǵa úles qosqan mamandardy, ǵalymdardy jáne Konsýltatıvtik komıtet múshelerin shyn júrekten quttyqtap, olardyń eńbegi men adaldyǵy úshin rızashylyǵyn bildirdi.
«Túrki áleminiń mádenı kody» jobasynyń kýratory Rýstam Mýzafarov pen «Túrki folklorlyq murasy» antologııasyn ázirleýge qatysqan О́zbekstannyń belgili ǵalymy Jabbor Eshenqulov ta sóz sóılep, usynylǵan eńbekterdiń mańyzyn atap, qordyń túrki álemi mádenı murasyn saqtaý jolyndaǵy qajyrly eńbegin joǵary baǵalady.
Qurmetti qonaqtar qatarynda Qyrǵyz Respýblıkasy Prezıdentiniń keńesshisi Arslan Koıchıev, Túrkııa Respýblıkasynyń Ádilet jáne damý partııasy tóraǵasynyń orynbasary, professor Kúrshad Zorly, О́zbekstan Ǵylym akademııasynyń vıse-prezıdenti, professor Bahrom Abdýhalımov boldy. Olar bul tarıhı sheshim túrki tilderiniń baılyǵyn halyqaralyq deńgeıde moıyndatýǵa yqpal etetinin jáne qordyń bul baǵytta atqarǵan eńbekterin erekshe atady.
Is-sharada Ázerbaıjan Respýblıkasynyń IýNESKO janyndaǵy turaqty ókili, elshi Elman Abdýllaev, Qazaqstan Respýblıkasynyń ǵylym jáne joǵary bilim vıse-mınıstri Talǵat Eshenqulov, Túrikmenstannyń Fransııadaǵy elshisi jáne IýNESKO janyndaǵy turaqty ókili Maqsat Charıev, sondaı-aq Majarstannyń IýNESKO janyndaǵy turaqty ókiliniń orynbasary Kınga Sımon sóz sóıledi.
Alqaly jıynda sonymen qatar Qazaqstan Respýblıkasynyń IýNESKO janyndaǵy turaqty ókili Asqar Abdrahmanov, Qyrǵyz Respýblıkasynyń Fransııadaǵy elshisi jáne IýNESKO janyndaǵy turaqty ókili Sadyq Sher-Nııaz, Túrkııa Respýblıkasynyń IýNESKO janyndaǵy turaqty ókili Gúlnur Aıbet, О́zbekstan Respýblıkasynyń IýNESKO janyndaǵy turaqty ókili Kamol Mýhtarov, sondaı-aq Túrkııa IýNESKO isteri jónindegi ulttyq komıssııasynyń tóraǵasy, professor Ojal Oǵýz minberge kóterilip, óz pikirlerin bildirdi.
Is-sharaǵa Belgııa, Ekvador, Fransııa, Latvııa, Oman, Qatar, Venesýela jáne Chehııanyń IýNESKO janyndaǵy Turaqty ókildikteri, О́zbekstandaǵy akkredıttelgen dıplomatııalyq korpýs pen halyqaralyq uıymdar músheleri, tanymal ǵalymdar, mádenıet ınstıtýttarynyń ókilderi, túrki mádenıeti men murasyna qyzyǵýshylyq tanytqan sheteldik qonaqtar jáne BAQ ókilderi jıynnyń mańyzyn arttyra tústi.