Elimizde mektep parlamentteri men balalar qozǵalysynyń kóshbasshylary arasynda balalar ombýdsmenderin saılaý ótip, irikteý nátıjesinde elimizdiń túkpir-túkpirinen 40 jas quqyq qorǵaýshy qabyldandy. Endi barlyq óńirlerdegi oqýshylardyń quqyqtary men zańdy múddelerin qorǵaýǵa atsalyspaq. Eske salaıyq, balalar ókildigi ınstıtýty óz qyzmetin 2020 jyldan beri atqaryp keledi. dep habarlaıdy Egemen.kz.
Oqý-aǵartý mınstrliginiń baspasóz qyzmetiniń málimdeýinshe, balalar ombýdsmenderi – bala men memleket arasyndaǵy senimdi dáneker. Jastar óz zamandastarynyń quqyǵyn qorǵaýǵa baǵyttalǵan ózekti máselelerdi kóterip, olardyń sheshilýine yqpal etedi, áleýmettik bastamalardy qoldaıdy, balalardyń qoǵamdyq ómirge belsendi aralasýyn nasıhattaıdy. Sonymen qatar, jas ombýdsmender bala múddesin eskeretin memlekettik saıasatty qalyptastyrý boıynsha usynystar ázirleıdi. Basty nazar – balalardyń ózin-ózi basqarý daǵdylaryn damytýǵa, quqyqtyq sana men azamattyq jaýapkershilikti qalyptastyrýǵa, sondaı-aq bala quqyqtaryn qorǵaý salasyndaǵy halyqaralyq áriptestikti nyǵaıtýǵa baǵyttalǵan. «Biz úshin ár balanyń óz taǵdyryna qatysty sheshimderge ún qosyp, yqpal ete alýy asa mańyzdy. Balalar ombýdsmenderi – balanyń úni estilip qana qoımaı, eskeriletin júıeniń ajyramas bólshegi. Biz olardy balalardyń quqyqtaryn qorǵaýdaǵy senimdi seriktesterimiz dep bilemiz. О́ıtkeni olardyń kómegimen biz balalardyń kózqarasyn tereńirek túsinip, shynaıy ári naqty sheshimder qabyldaı alamyz», dep atap ótti sala mınıstrligine qarasty Balalardyń quqyqtaryn qorǵaý komıtetiniń tóraǵasy Nasymjan Ospanova.