Búgin Ulttyq statıstıka bıýrosy Qazaqstandaǵy kóshi-qon qozǵalysy týraly jańa derekterdi jarııalady. Resmı málimetke sáıkes, 2025 jyldyń toǵyz aıynda elge turaqty turý maqsatynda 16,1 myń adam kelgen, al 5,9 myń adam elden ketken. Bul ótken jyldyń sáıkes kezeńimen salystyrǵanda 41,4 paıyzǵa az. Osylaısha, kóshi-qon saldosy oń sıpatta qalyp, 10,2 myń adamdy qurady, dep habarlaıdy Egemen.kz.
Salystyrmaly túrde, 2024 jyldyń qańtar-qyrkúıek aılarynda elge 20 383 adam kóship kelip, 10 201 adam kóship ketken. Sol kezeńdegi kóshi-qon saldosy da shamamen 10 182 adamdy quraǵan bolatyn, ıaǵnı 2025 jylǵy kórsetkishpen birdeı.
Eldiń negizgi kóshi-qon almasýy TMD elderimen júzege asyp otyr. Bul elderinen kelgenderdiń úlesi 82,7%-dy, al osy ketkenderdiń úlesi 73,2%-dy qurady. Al basqa elderden Qazaqstanǵa qonys aýdarǵandardyń ishinde Qytaı, Mońǵolııa jáne Túrkııa azamattary basym.
Taǵy bir nazar aýdararlyq jaıt – elden ketken jáne elge oralǵan azamattardyń etnıkalyq quramy derlik birdeı. 2025 jyly Qazaqstannan ketkenderdiń 82,26%-y – qazaqtar, 6,03%-y – orystar, 2,99%-y – ózbekter bolsa, elge kelgenderdiń arasynda da 82,27% – qazaq, 6,16% – orys, 2,92% – ózbek bar.
2025 jyly Qazaqstanǵa kelgenderdiń basym bóligi Almaty oblysyna – 4,4 myń adam, Almatyǵa – 2,6 myń adam, Mańǵystaý oblysyna – 2,3 myń adam, Astanaǵa – 1 myń adam qonys aýdarǵan.
El ishindegi óńiraralyq kóshi-qon da jandanyp keledi. Byltyrǵy jylmen salystyrǵanda ishki kósh 22,8 paıyzǵa artqan. Aımaqaralyq kóshi-qon turǵysynan eldiń tórt aımaǵynda oń kóshi-qon taza kórsetkishi baıqaldy:
Astana – 67 200 adam; Almaty – 27 800 adam; Shymkent – 13 000 adam; Almaty oblysy – 8000 adam.