Astana men Bishkek arasyndaǵy strategııalyq seriktestik

Taraptar saýda-ekono­mıkalyq baılanystardy keńeıtý áleýetine toqtaldy. Saýda, ónerkásip kooperasııasy, ınvestısııa, energetıka, sý salasy, AО́K, kólik-logıstıka, týrızm jáne taǵy basqa da salalardaǵy ózara is-qımylǵa nazar aýdaryldy.

Baýyrlas eki el arasyn­daǵy taýar aınalymy osy jyldyń 8 aıynda 21%-ǵa ósip, 1,4 mlrd dollardy qurady.

«Qazaqstan Respýblı­ka­sy­­nyń Prezıdenti Qasym-Jomart Toqaev pen Qyrǵyz Respýblıkasynyń Prezıdenti Sadyr Japarov­tyń jeke qoldaýy men saıası erik-jigeriniń arqasynda  keıin­gi jyldary qazaq-qyr­ǵyz stra­­tegııalyq áriptes­tigi jańa serpin­ge ıe boldy. Bul turǵydaǵy bizdiń ortaq maq­satymyz – eki el kóshbas­shy­larynyń bergen tap­syrmalaryn tolyq oryn­daý jáne kópqyrly yqpal­dastyqty odan ári keńeıtý. Qyrǵyzstan – biz úshin tatý kórshi, baýyrlas el ǵana emes, sonymen qatar mańyzdy saýda-ekonomıkalyq seriktes memleket. Qazaqstan Úkimeti ortaq múddemizge saı keletin maqsattarǵa birlesip atsalysýǵa daıyn», dep atap ótti O.Bektenov.

«Memleket basshylary­nyń birlesken kúsh-jigeri Qyrǵyzstan men Qazaqstan arasyndaǵy strategııalyq áriptestikti sapaly jańa deńgeıge kóterdi. Ekijaqty baılanystardy damytýǵa Qyrǵyz Respýblıkasynyń Prezıdenti Sadyr Japarov­tyń Astanaǵa jáne Qazaqstan Respýblıkasynyń Prezı­denti Qasym-Jomart Toqaevtyń Bishkekke resmı sapar­­lary ba­ry­synda qol jetkizil­­gen ma­ńyz­dy kelisimder yqpal etti. Úkimet alǵa qoıǵan maq­sat­­­­tar­ǵa qol jetkizý úshin bar kúsh-jigerin salady», dep atap ótti Qyrǵyz Respýb­lıkasy Mı­nıstr­ler kabı­netiniń tóraǵasy – Prezı­dent Ákimshiliginiń basshysy A.Kasymalıev.

Jıynǵa qatysýshylar Úki­met­aralyq keńestiń aldyń­ǵy otyrysynda qabyl­danǵan birlesken sharalardyń júzege asyrylý barysyn qarady. Energetıka, sýmen jabdyqtaý salalaryndaǵy ózara tıimdi yntymaqtastyqqa, sondaı-aq ınvestısııalyq ózara is-qı­mylǵa nazar aýdaryldy.

AО́K salasyndaǵy ósýdiń jańa baǵyttary belgilendi. Bıylǵy 8 aıda aýyl sharýashy­lyǵy ónimderiniń saýda kólemi 42%-ǵa ósip, 326 mln dollardy qurady, onyń 80%-dan astamy – Qazaq­stannan shyǵatyn aýyl sharýashy­lyǵy ónimderiniń eksporty.

Taý týrızmi – yntymaqtas­tyqtyń keleshegi zor baǵyt­tary­­nyń biri. Eki el aýmaǵyn­da ornalasqan Han Táńiri shyńyn­da taý týrızmi baǵyt­taryn jandandyrý máselesi talqylandy.

Bıyl Bishkekte mádenı-gýmanı­tarlyq ózara is-qımyl aıasynda birqatar is-shara ótti, onyń ishinde Qazaqstannyń kıno kúnderi, kompozıtor Nurǵısa Tilendıevtiń ǵasyrlyq toıyna arnalǵan konsert, taǵy basqa da is-sharalar bar. Kórnekti jazýshylar Muh­tar Áýezov pen Shyńǵys Aıt­matovqa arnalǵan «Qazaq-qyr­ǵyz dostyǵynyń altyn kópiri» eskertkishi mádenıet­aralyq dıalogtiń rámizine aınaldy.

Aǵaıyn el úkimetteri yn­ty­maq­­tastyqtyń barlyq negiz­gi baǵyty boıynsha ekijaq­ty qarym-qatynastardy odan ári tereńdetýge nıetti ekenin rastady. Jıyn sońynda Qazaq-qyrǵyz úkimetaralyq keńesi­niń 13-otyrysy hattamasyna qol qoıyldy.