Astanada Bochchadan Qazaqstan Kýboginiń jeńimpazdary men júldegerlerin saltanatty túrde marapattaý rásimi ótti, dep jazady Egemen.kz.
Barlyǵy 14 sportshy qatysqan Astana qalasy komandasy jalpy komandalyq esepte ekinshi oryn aldy.
«Bul dodada altyn, kúmis, qola alǵandar halyqaralyq jarystarǵa qatysady. Sondaı-aq eń basty maqsat – 2028 jyly bochchadan paralımpıadaǵa qatysý. Paralımpıada ishinde kóptegen sport túri bar. Jarystar 4 kún boıy ótti. Olar gramotalarmen, medaldarmen, kýboktarmen marapattalady», dedi marapattaý rásimindegi sózinde Bochcha federasııasynyń vıse-prezıdenti Nazym Janǵazınova.
Elorda ákimdiginiń resmı saıtynyń málimetinshe, dúbirli dodaǵa Astana, Almaty, Shymkent qalalary jáne Batys Qazaqstan, Atyraý, Mańǵystaý, Aqtóbe, Soltústik Qazaqstan, Qaraǵandy, Jambyl, Túrkistan, Jetisý, Pavlodar, Shyǵys Qazaqstan, Abaı oblystary, ıaǵnı 15 óńirden kelgen 120-ǵa jýyq parasportshy qatysqan.
Bochcha – dop oıyny, tirek-qozǵalys apparatynyń eń aýyr buzylystary bar balalar men eresekterge ózin-ózi jetildirýge múmkindik beretin birneshe paralımpıadalyq sport túriniń biri.
Qazaqstanda bochcha sportynyń resmı damýy 2021 jyly bastaldy. Dál sol jyly «Qazaqstan Bochcha Federasııasy» respýblıkalyq qoǵamdyq birlestigi qurylyp, elimizdi halyqaralyq arenada tanytyp, ulttyq chempıonattar men kýbokterdi uıymdastyrýdy qolǵa aldy.