Jumysshy mamandardy qoldaý, olardyń turǵyn úı máselesin sheshýge kómektesý maqsatynda «Báıterek» holdınginiń enshiles uıymy «Otbasy bank» turǵyn úı qurylys jınaq banki» AQ bıyl alǵash ret atalǵan kontıngentke arnalǵan jeke baǵyt – «Naýryz jumysker» baǵdarlamasyn iske qosty.
«Naýryz jumysker» baǵdarlamasy aıasynda búginge deıin 1 990 otandasymyz baspanaly boldy. Olardyń barlyǵy – jumysshy mamandyq ıeleri. Mamandar qurylys, elektr energııasyn taratý kásiporyndarynda, avtomobıl óndirisinde, ken, munaı, gaz óndirý, qaıta óńdeý salalarynda jumys isteıdi.
Baǵdarlamanyń jumys isteý kezeńinde eń kóp nesıe ónerkásip pen qurylys salasynyń qyzmetkerlerine berildi. Osy salalarda eńbek etip júrgen 1 176 maman baspanaly boldy. Nesıe sany jóninen ekinshi orynda – kólik salasynyń mamandary, salanyń 396 ókili turǵyn úıge ıe boldy. Úshtikti energetıka salasy qorytyndylady, osy sektordyń 269 mamany qoljetimdi nesıe rásimdeı aldy.
Sonymen qatar «Naýryz jumysker» baǵdarlamasynyń qoldaýymen óz baspanasyn aýyl sharýashylyǵy, sý resýrstary, sýarmaly jerler salasynyń qyzmetkerleri de aldy. Baǵdarlama 1 143 kásiporyn men 8 230 jumysshy mamandyqty qamtıdy. Nesıe alý úshin arnaıy konkýrsqa qatysý mindetti emes. Jumys berýshiden qyzmetkerdiń laýazymy, mamandyǵy, kásip túrin kórsetetin anyqtama alyp, ony kez kelgen «otbasybank» bólimshesine ótinishpen tapsyrý jetkilikti. Jumysshy mamandyqtary ataýlarynyń tizimi, kásipkerlik qyzmet túrleri, jumys berýshiden alynatyn anyqtama formasymen Banktiń resmı saıtynda tanysýǵa bolady.
«Naýryz jumysker» baǵdarlamasyna qatysýshylardyń ortasha jasy – 31 jas. Jumysshy mamandyq ıeleri arasynda áıelder de bar. Alynǵan nesıelerdiń shamamen 20%-y názik jandylarǵa tıesili. Solardyń biri – Aqkúmis Qudaıbergen. Temirjol salasynda ınjener-tehnolog bolyp qyzmet etedi. Jas maman Kókshetaýda ata-anasymen birge turypty. «Naýryz jumysker» baǵdarlamasynyń kómegimen Aqkúmis Astanadan páter satyp aldy.
– Stýdent kezimde «otbasybank»-ten depozıt ashtym. Jumysqa kiriskennen keıin ony múmkindigimshe tolyqtyra berdim. Osy áreketim nesıe alýda kóp kómektesti. О́z baspanamnyń bolýyn kópten beri armandaıtynmyn. Aldymen «Naýryz» baǵdarlamasyna qatysýdy oıladym, biraq onda konkýrs bar eken, ótpeı qalý qaýpi týdy. Bankte «Naýryz jumysker» baǵytynda nesıe alýǵa keńes berdi. Baǵdarlama sharty da sáıkes kelip turdy. Nesıege bergen ótinishim maquldanǵanyna, Astanadan páter alǵanyma qýanyshtymyn, – deıdi Aqkúmis.
«Naýryz jumysker» baǵyty men «Naýryz» baǵdarlamasynyń sharttary bir. Aımaqtar úshin nesıeniń eń joǵary somasy – 30 mln, Astana men Almaty úshin – 36 mln teńge. Úlken qalalar men oblys ortalyqtarynda tek jańa baspana satyp alýǵa bolady. Baǵdarlama qatysýshylary ózderine qolaıly turǵyn úı keshenin, páterdi «Baspana market» portaly (otbasybank.kz) arqyly tańdaı alady. Qazir onda 10 262 páter bar 593 nysan usynylǵan.
Ekinshi naryqtaǵy turǵyn úıdi tek monoqalalarda, aýyldyq eldi mekenderde satyp alýǵa bolady. Osy ýaqytqa deıin 338 qatysýshy ekinshi naryqtan úı satyp aldy.