Qazaqstan jastar quramasy (U21) Moldovaǵa qarsy Eýro-2027 irikteý oıynynda teń tústi, dep habarlaıdy Egemen.kz.
Vesti.kz jazǵandaı, D tobynyń kezdesýi elordadaǵy «Astana Arena» stadıonynda ótip, 1:1 esebimen aıaqtaldy.
Qazaqstan quramasy alǵashqy sátte-aq gol soǵyp, esep ashty: oıynnyń 6-mınýtynda «Qaırat» shabýylshysy Ramazan Baǵdat kózge tústi.
Jerlesterimiz matchtyń basym bóliginde alda kele jatqanymen, oıyn sońynda kapıtan Sultan Asqarov jasaǵan ereje buzýshylyqtan keıin qaqpaǵa penaltı belgilendi.
90-mınýtta Moldova oıynshysy Nıkolae Rotarý penaltıdi dál oryndap, esepti teńestirdi.
Osynyń nátıjesinde Qazaqstan quramasynyń qorjynynda irikteý týrnırindegi jalǵyz jeńis burynǵysynsha tek Andorraǵa (1:0) qarsy matchta qaldy. Buǵan deıin Andreı Ferapontov shákirtteri Anglııadan (0:2), Andorradan syrt alańda (0:1) jáne Slovakııadan (1:2) jeńilgen edi.
Qazaqstan kelesi oıynyn 2026 jyldyń naýryzynda óz alańynda toptyń kóshbasshysy - Slovakııaǵa qarsy ótkizedi.
D tobynyń týrnırlik kestesi:
Slovakııa — 13 upaı (5 match)
Anglııa — 12 (4)
Irlandııa — 7 (4)
Moldova — 4 (6)
Qazaqstan — 4 (5)
Andorra — 3 (6)