Teatr jáne kıno maıtalmany, Qazaqstannyń eńbek sińirgen qaıratkeri, «Qurmet» ordeniniń ıegeri, Qalıbek Qýanyshbaev atyndaǵy Qazaq ulttyq mýzykalyq drama teatrynyń negizin qalaýshylardyń biri Rymkesh Omarhanova 86 jasqa qaraǵan shaǵynda ómirden ozdy, dep jazady Egemen.kz.
Ol 1939 jyly 30 qazanda Qaraǵandy oblysy, Qarqaraly aýdany, Jańa negiz bólimshesi Sarytaý aýylynda dúnıege kelgen. 1959 jyly Qaraǵandy mýzykalyq ýchılıshesinde oqydy. Osy jyldary Qaraǵandy qalasynyń S.Seıfýllın atyndaǵy qazaq mýzykalyq drama teatrynda Aktrısa retinde qyzmet atqardy.
1990 jyly Selınograd qalasynyń ákimshiliginiń shaqyrýymen qazirgi Qalıbek Qýanyshbaev atyndaǵy Qazaq ulttyq mýzykalyq drama teatrynyń ashylýyna atsalysyp, osy kúnge deıin eńbek etip keldi. Rymkesh Omarhanova óziniń óner salasyndaǵy kóp jylǵy eńbeginde kóptegen dıplommen, maqtaý qaǵazdarymen marapattaldy jáne oblystyq, aýdandyq depýtattyqqa saılandy.Jarty ǵasyrdan astam shyǵarmashylyq ǵumyrynda sahnada 150-den asa beıneni somdap shyǵardy.
Aktrısa Ǵ.Músirepovtyń «Qozy Kórpesh – Baıan Sulý» spektaklinde Maqpaldy, «Qyz Jibekte» Tólegenniń anasyn, Áýezovtyń «Qarakózinde» Mórjandy, «Eńlik-Kebekte» Eńlikti, Aıtmatovtyń «Ana-Jer-Anasynda» Tolǵanaıdy, «Aq kemede» kempirdi somdady.
2014 jyly «Qurmet» ordenimen marapattaldy. 2024 jyly Prezıdent Jarlyǵymen memleketimizdiń mádenı damýyna qosqan eleýli úlesi úshin «Qazaqstannyń eńbek sińirgen qaıratkeri» ataǵymen marapattaldy.