FIFA-nyń jańartylǵan reıtınginde Qazaqstannyń fýtbolshylary óziniń 115-ornyn saqtap qaldy. Jerlesterimiz Mavrıtanııa men Malaızııanyń ortasynda tur.
Salystyrmaly túrde alsaq, kórshiles О́zbekstandy aıtpaǵanda, Tájikstan men Qyrǵyzstan quramalarynyń ózderi Qazaqstannan birneshe saty joǵary tur. Atap aıtsaq, ózbekter – 55, tájikter – 102, qyrǵyzdar 105-oryndy ıelendi. Ortalyq Azııa memleketter arasynan bizdiń aıaqdop sheberlerimizdiń tek Túrikmenstannan kóshi ilgeri. Olar 142-oryndy qanaǵat tutyp otyr.
Aldyńǵy lektegi komandalarǵa keler bolsaq, Ispanııanyń ulttyq quramasy jeke-dara kósh bastap tur. Ekinshi jáne úshinshi oryndarda – Argentına men Fransııa. Bul alpaýyttardy Anglııa men Portýgalııa ókshelep keledi. Sondaı-aq TOP-10-dyqqa Nıderland, Brazılııa, Belgııa, Italııa, Germanııa endi. Odan keıingi ondyqtyń qatarynda Horvatııa, Marokko, Kolýmbııa, Meksıka, Ýrýgvaı, AQSh, Shveısarııa, Senegal, Japonııa men Danııa bar.
2026 jylǵy álem chempıonatynyń irikteý týrnıriniń sońǵy matchyn Qazaqstan quramasy Belgııaǵa qarsy ótkizip, 1:1 esebimen teń tústi. Odan keıin joldastyq kezdesýde Farer araldarynan 0:1 esebimen ese jiberdi.