Silk Way Star konkýrsynyń jeńimpazy aralas júıe boıynsha anyqtalady: 50% – qazylar alqasynyń sheshimi, 50% – kórermenniń onlaın-daýys berýi. Daýys berý júıesi barynsha ashyqtyq pen barlyq qatysýshylarǵa ádildikti qamtamasyz etý maqsatynda «Evrovıdenıe» sııaqty halyqaralyq baıqaýlar úlgisinde ázirlengen, dep habarlaıdy Egemen.kz.
Kórermender fınal tikeleı efırde kórsetilgen kezde jobanyń resmı saıtynda – silkwaystar.org daýys bere alady. Translıasııa 22 qarasha kúni saǵat 20:00-de Jibek Joly telearnasynda ótedi.
Daýys berý tártibi:
1-qadam. Baıqaý qatysýshysyna daýys berý úshin shoý barysynda ekranda kórsetiletin QR-kodty smartfon arqyly skanerleý qajet. QR-kod sizdi resmı daýys berý saıtyna baǵyttaıdy.
2-qadam. Saıtqa ótkennen keıin fınalıst elderdiń jalaýlary kórsetiledi. Siz unaǵan qatysýshyny tańdap, oǵan 0-den 12-ge deıin baǵa qoıa alasyz. Ár kórermen fınalısterdiń barlyǵyn baǵalaı alady, biraq óz eliniń ókiline daýys berýge quqyǵy joq.
Mańyzdy! Kórermen óz eliniń atynan óner kórsetetin qatysýshyǵa daýys bere almaıdy. Bul ereje ádil, beıtarap jáne obektıvti baǵalaýdy qamtamasyz etý úshin engizilgen.
Nazar aýdaryńyz! Daýys berý tek tikeleı efır ýaqytynda ashyq bolady. Onyń bastalýy men aıaqtalýy týraly júrgizýshiler habarlaıdy.
Silk Way Star baıqaýynyń grand-fınalyna ótkender:
ALEM (Qazaqstan);
Iаzmın Azız (Malaızııa);
Avtandıl Abeslamıdze (Grýzııa);
Mıshel Djozef (Mońǵolııa);
Chjan He Sıýan (Qytaı);
Saro Gevorgıan (Armenııa);
Madınaboný Adylova (О́zbekstan).
Silk Way Star jobasy Prezıdenttiń Teleradıokesheni men Qytaıdyń China Media Group (CMG) medıakorporasııasy arasyndaǵy kelisim aıasynda júzege asyrylyp jatyr.