Atalǵan oblys boıynsha Qarjy monıtorıngi agenttiginiń departamenti qarjy pıramıdasynyń qyzmetin toqtatty, dep habarlaıdy Egemen.kz.
Uıymdastyrýshylar azamattarǵa «HALYK QUATY» tutyný kooperatıvine kirýdi usynyp, turǵyn úı men avtokólikti paıyzsyz bólip tóleýge alý úshin paı jarnalaryn salýǵa ılandyrǵan. О́z qyzmetin saıt pen áleýmettik jeliler arqyly jarnamalap, «Ár otbasyna baqyt!» degen uranmen «halyqtyq kooperatıv» beınesin jasaǵan.
Atalǵan tutyný kooperatıvi zańsyz paıdalanǵany úshin ákimshilik jaýapkershilikke tartylǵannan keıin kooperatıvtiń ataýy «ELL QUATY» bolyp ózgertilgen.
Jańa salymshylardy tartý úshin basshylyq túrli marketıngtik aksııalar uıymdastyrǵan, onyń ishinde «Kúnshýaqty Túrkııa» týrıstik joldamalaryn utysqa tigýmen de aınalysqan.
Qylmystyq kiristerdi zańdastyrý maqsatynda uıymdastyrýshy óz atyna «QAZ INFO MARKET» JShS-in tirkep, shotyna salymshylardyń qarajatyn (kórsetilmegen kásibı, ǵylymı jáne tehnıkalyq qyzmetter úshin) aýdaryp otyrǵan.
24.kz málimetinshe, pıramıdaǵa 1,5 myńnan astam salymshy tartylyp, olar 6,8 mlrd teńge salǵan.
Uıymdastyrýshy qamaýǵa alyndy, tergeý jalǵasyp jatyr, ózge aqparat jarııalaýǵa jatpaıdy.