ASTANA. 9 tamyz. Memleket basshysy Ahmetjan Esimovti «Astana EKSPO-2017» UK AQ basqarmasynyń tóraǵasy qyzmetine taǵaıyndady. Bul týraly Aqordanyń baspasóz qyzmeti Tvıtterde habarlady.
Ahmetjan Esimov 1950 jyly 15 jeltoqsanda Almaty oblysynda týǵan.
«Aýyl sharýashylyǵy óndirisiniń prosester mehanızasııasy» mamandyǵy boıynsha 1974 jyly Qazaq aýylsharýashylyq ınstıtýtynyń mehanıkalyq fakýltetin bitirgen. «Áleýmettik-saıası qatynastar teorııasy» mamandyǵy boıynsha 1991 jyly Reseı qoǵamdyq ǵylymdar akademııasynyń áleýmettik-saıası fakýltetin támamdaǵan. Ekonomıka ǵylymdarynyń doktory.
Ahmetjan Esimov 1990 jyldan - QazKSR Memagroónerkásip tóraǵasynyń birinshi orynbasary, 1992 jyldan - Almaty oblystyq ákimshiliginiń basshysy, 1994 jyldan - Premer-mınıstrdiń orynbasary, 1996 jyldan - Memlekettik hatshy, 1996 jyldan - Premer-mınıstrdiń birinshi orynbasary - Memlekettik qarjy salymdar komıtetiniń tóraǵasy, 1998 jyldan - Prezıdent Ákimshiliginiń jetekshisi, 1998 jyldan - Qazaqstannyń Benılıýks memleketterindegi Tótenshe jáne О́kiletti elshisi, 2001 jyldan - Aýyl sharýashylyǵy mınıstri, 2002 jyldan - Premer-mınıstrdiń orynbasary - Aýyl sharýashylyǵy mınıstri, 2004 jyldan - Premer-mınıstrdiń orynbasary, 2006 jyldyń qańtar aıynan Aýyl sharýashylyǵy mınıstri bolyp qyzmetter atqardy. 2008 jyldan beri Almaty qalasynyń ákimi bolyp keldi.
2008 jyldan - «Nur Otan» HDP qalalyq fılıalynyń tóraǵasy.
«Qurmet belgisi» (1982), «Parasat» (2002), «Otan» (2007) ordenderimen marapattalǵan.
Talǵat Raıymbek.
Derek, sýret: Aqordanyń baspasóz qyzmeti.