Qytaı, Reseı jáne Úndistan keıingi 10 jylda orman alqaptarynyń ósimi boıynsha kósh bastady. 2015 jyldan beri orman kólemin arttyrǵan elder deregin BUU Azyq-túlik jáne aýyl sharýashylyǵy uıymy usyndy, dep jazady Egemen.kz.
Jasyl jelek kómirqyshqyl gazyn boıyna sińirip, ottegi bóletini belgili. Adamzat úshin osyndaı ushan-teńiz paıdasy bar orman alqaptarynyń sanyn arttyrýǵa ondaǵan el den qoıǵan.
Osy isteri oń nátıje kórsetip otyrǵan 10 el qatarynda: Qytaı, Reseı, Úndistan, Túrkııa, Aýstralııa, Fransııa, Indonezııa, Ońtústik Afrıka, Kanada, Vetnam elderi bar.
Jeke toqtalsaq Qytaı keıingi 10 jylda orman alqabyn – 1,7 mıllıon gektarǵa, Reseı – 942 myń gektarǵa, Úndistan – 191 myń gektarǵa, Túrkııa – 118 myń gektarǵa, Aýstralııa – 105 myń gektarǵa, Fransııa – 96 myń gektarǵa, Indonezııa – 94 myń gektarǵa, Ońtústik Afrıka – 88 myń gektarǵa, Kanada – 83 myń gektarǵa, Vetnam – 73 myń gektarǵa ulǵaıtqan.