Bul bap shilde aıynda qoldanysqa engizilip, azamattardy erkinen tys qýdalaý, mazalaý, únemi baılanys ornatýǵa tyrysý, baqylaý jáne ózge de psıhologııalyq qysym kórsetetin áreketterden qorǵaýǵa baǵyttalǵan, dep habarlaıdy Egemen.kz.
Alǵashqy jaǵdaı Aqmola oblysynyń Bulandy aýdanynda tirkeldi. Qazan aıynda Makınsk qalasynyń 44 jastaǵy turǵyny polısııaǵa júginip, buryn birge júrgen er adam birneshe aı boıy ony únemi mazalap júrgenin aıtqan. Áıeldiń sózinshe, 38 jastaǵy azamat ártúrli nómirlerden telefon shalýmen qatar, jumys ornyna, úıiniń mańynda jáne qoǵamdyq oryndarda ańdyp júrgen. Bul áreketter tek qolaısyzdyq týdyryp qana qoımaı, áıeldiń óz qaýipsizdigi úshin alańdaýyna sebep bolǵan.
Tekserý barysynda ýchaskelik ınspektorlar er adamǵa qatysty qorǵanys nusqamasyn shyǵarǵany jáne sottyń oǵan jábirlenýshige jaqyndaýǵa tyıym salǵany anyqtaldy. Alaıda ol bul talaptardy elemeı, áreketin jalǵastyrǵan. Osydan keıin jábirlenýshi ony qylmystyq jaýapkershilikke tartýdy surap, polısııaǵa qaıtadan aryz bergen.
Aryz negizinde polısııa bóliminiń tergeýshisi Bekzat Bolpanov sotqa deıingi tergeýdi bastady. Tergeý barysynda polıseıler jábirlenýshiden jáne kúdiktiden jaýap alyp, oqıǵaǵa kýá bolǵan adamdardy anyqtady. Kúdikti óziniń áreketterin qarym-qatynasty qaıta qalpyna keltirý nıetimen jasaǵanyn málimdegenimen, keıin zańsyz ekenin moıyndady.
Keıinnen jábirlenýshi isti toqtatý týraly ótinish túsirip, prokýrormen kelisilgen sheshim boıynsha tergeý aıaqtalǵan.