ATYRAÝ. Atyraýda «Jas Otaý» baǵdarlamasymen boı kótergen 90 páterlik jańa turǵyn úıge osynsha jas otbasy qonystandy. Bul týraly egemen.kz tilshisi habarlady.
Ádette jas otbasylardyń jańa baspana baqytyna ıe bolýy qıyn. Ásirese, 30 jasqa deıingiler aldymen páter kezegine turyp, baspanaǵa qol jetkizýdi birneshe jyldap kútedi. Biraq, jas otbasylardy bul tyǵyryqtan shyǵaryp, qýanyshqa keneltetin amal bar eken. Ony Atyraý oblysynyń ákimi Baqtyqoja Izmuhambetov «Jas Otaý» baǵdarlamasyn iske asyrý arqyly tapty. Sóıtip, budan eki jyldaı buryn óńir ortalyǵynda 90 jas otbasyna arnalǵan turǵyn úı qurylysy bastalǵan edi.
О́tken aptada munaıly Atyraýdyń ǵana emes, tutas eldiń órkendeý keleshegine ár saladaǵy qajyrly eńbegimen ózindik úlesin qosyp júrgen 90 jas otbasy zor qýanyshqa keneldi. Olarǵa oblys ákimi Baqtyqoja Izmuhambetov jergilikti qurylys kásiporny turǵyzǵan jańa turǵyn úıden eki bólmelik 30, bir bólmelik 60 páterdiń kiltin tapsyrdy. Jıyrma toǵyz jasqa tolmaǵan, ári eki balaly jas otbasylardyń músheleri alýan túrli mamandyqtyń ıeleri, máselen, Salamat Qaıyrov bilim berý, Merýert Jaımaǵambetova densaýlyq saqtaý salasynda abyroıly eńbek etip júr. Al Nurlan Azamatov jastar uıymyna jetekshilik etedi. Bulardan ózge memlkettik qyzmetkerler de, áskerıler de baspana baqytyn sezindi.
Joldasbek Shópeǵul.
Derek: egemen.kz.
Sýret: Rahym Qoılybaev.