2025 jyldyń qyrkúıegindegi jaǵdaı boıynsha elimizdegi jeke tulǵalardyń depozıti 21,6 trln teńgege jetti. Bul soma – ótken jyldaǵy kórsetkishten 19,9 paıyzǵa kóp, dep jazady Egemen.kz.
El azamattary qarjysyn ulttyq valıýtada jınaı bastaǵan. Bıyl bul sanat boıynsha kórsetkish 82%-ǵa jetip, rekord ornatyp otyr.
Tarqata aıtsaq, 5 jyl buryn teńgemen qarjy jınaıtyndar úlesi – 55,4%, 10 jyl buryn – 19,5% bolǵan. Al byltyr 80,4% depozıt ıeleri aqshasyn teńgemen toptaǵan.
Shetel valıýtasymen qarjy jııatyndar qatary 9,5%-ǵa artqan.
Aımaqtar boıynsha salystyrsaq, Almaty – alda. Almatylyqtardyń depozıti 9 trln teńgege jetip, barlyq úlestiń 42%-yn qurap otyr.
2,7 trln teńge toptaǵan astanalyqtar – ekinshi orynda. Elorda turǵyndarynyń úlesi jalpy depozıt jınaǵynyń 12,5%-yn quraǵan.
Úzdik bestikti Qaraǵandy oblysy (1,2 trln. teńge), Shymkent (897 mlrd. teńge) jáne Qostanaı oblysynyń (894,3 mlrd. teńge) turǵyndary qorytyndylaǵan.
Kerisinshe, aqshasyn depozıtte saqtamaıtyndardyń basym bóligi Ulytaý, Almaty jáne Jetisý oblystarynda turady eken.
Al depozıttegi aqshanyń kóbeıýi turǵysynan da Almaty men Astana kósh bastap tur.