Taǵy bir muz aıdyny ashyldy

О́tken senbide Mem­­­leket basshysy Nur­sultan Nazar­baev Astanadaǵy olım­pıa­dalyq aýqymdaǵy ja­ńa muz ­saraıynda bol­dy. Ke­shenniń ­ın­­­­fra­­qurylymymen ta­nysqan Mem­leket bas­shysy onyń elordada sport klasterin ­damytý jáne qysqy sport túrlerin ilge­ri­letý úshin mańyzy zor ­bolatynyn atap ótti. – Búgin biz taǵy bir mańyzdy áleýmettik nysannyń iske qosy­lýynyń kýási boldyq. Ony shynymen de muz saraıy deýge bolady. О́ıtkeni, munda 12 myń kórermenge eseptelgen álem­dik deńgeıdegi arena, Hokkeı akademııasy, olım­pıadalyq bas­seın bar. Bul ǵımaratty eli­mizge, astanamyzǵa úlken syı­­lyq dep sanaýymyz kerek. As­tana qalasy soltústikte orna­lasqandyqtan, sporttyń qysqy túrlerin kóbirek damytýǵa tıispiz. Qysqy sporttyq oıyn­dardan aldyńǵy qatarda bo­lýy­myz qajet. Al bul stadıon bizdiń sportshylarymyzdy jańa jeńisterge jigerlendiretinine, osy bir ǵajaıyp sport túriniń jankúıerlerin qýantyp, biregeı jarystar ótkizetinimizge se­nim­­dimin, – dedi Nursultan Nazarbaev­ nysandy aralap kórgennen keıingi brıfıng barysynda. Qazaqstan Prezıdenti óńirlik jáne halyqaralyq týrnırler, konsertter men ózge de sharalar ótkizý qyzmeti esebinen keshenniń ózin ózi aqtaýyna qol jetkizý qajettigin, bul álemdik tájirıbege saı ekenin atap ótti. Jalpy alańy 86 000 sharshy metr muz saraıy – hokkeı korty, júzý basseıni jáne Hokkeı akademııasynyń ǵımaraty bar kóp fýnksıonaldy keshen. Prezıdent, sondaı-aq, búginde elimizdiń biraz oblystarynda hokkeı stadıondary bar ekendigin, al QHL-daǵy qazaqstandyq komanda jaqsy orynda kele jatqandyǵyn eske saldy. Bul óte jaqsy kór­­setkishter. Meniń oıymsha, osy stadıon bizdiń sportshylarǵa jańa serpin beredi. Biz osynda álemdik tanymal komandalardy qabyldaıtyn bolamyz. Sondyqtan, men sportshylar men jastarǵa quttyqtaýymdy jetkizgim keledi, – dedi Elbasy. Nysandy aralaý barysynda Memleket basshysynyń nazaryna kishigirim muzdy shoý usynyldy. Ony «Barys» HK  jas tárbıelenýshileri kórsetti. Qoıylymda Qazaqstan hokkeıiniń qazirge deıingi damý jaǵdaıy kórinis tapty. Sonymen qatar, Elbasy ondaǵy «Barys» hokkeı klýbynyń fırmalyq dúkenin de aralady. Dúken muz saraıynyń birinshi qabatynda ornalasqan. Onda klýbtyń sımvoldary beınelengen zattar qoıylǵan. Aıtpaqshy, bul sport keshe­ninde búginde alǵashqy sharalar bastalyp ta ketti. Máselen, 9 tamyzda týyn kótergen hokkeı­den Qazaqstan Prezıdenti ký­bo­gynyń týrnıri osy saraı­da­ ótip jatyr. Týrnırge «Barystan» bólek Reseıdiń bir­qatar klýbtary – Novokýz­nesk­ qa­lasynan «Metallýrg», Han­ty-Mansııskiden «Iýgra» jáne vla­dı­vostoktyq «Admıral» qatysýda. Dınara BITIKOVA, «Egemen Qazaqstan». Sýretterdi túsirgender S.BONDARENKO, B.OTARBAEV.