Prezıdenttiń kómekshisi – Qaýipsizdik keńesiniń hatshysy N.Ermekbaevtyń tóraǵalyǵymen Qaýipsizdik keńesi janyndaǵy Saraptamalyq keńestiń «Qazaqstan Respýblıkasynyń kóshi-qon jáne demografııa saıasaty» taqyrybyna arnalǵan otyrysy ótti.
Otyrysqa Densaýlyq saqtaý jáne áleýmettik damý mınıstri T.Dúısenova, Prezıdent Ákimshiliginiń qurylymdyq bólimsheleriniń jáne ortalyq memlekettik organdardyń, Qazaqstannyń ǵylymı-zertteý ınstıtýttarynyń basshylary, sondaı-aq, úkimettik emes uıymdardyń sarapshylary qatysty.
Shara barysynda syrtqy jáne ishki kóshi-qon, demografııalyq saıasat Qazaqstannyń turaqty damýynyń mańyzdy faktorlary ekendigi atap ótildi. Qatysýshylar Qazaqstannyń kóshi-qon jáne demografııa saıasatyn qalyptastyrý men ony iske asyrýdyń tıimdiligin arttyrýǵa ǵylymı, saraptamalyq qoldaý kórsetý máselelerin egjeı-tegjeıli talqylady.
Memleketimizdiń ekonomıkalyq damýyn eskere otyryp, syrtqy eńbek kóshi-qonyn retteý, ishki kóshi-qondy ońtaılandyrý jóninde arnaıy usynystar engizildi.
Jumys qorytyndysy boıynsha Saraptamalyq keńes tarapynan Qaýipsizdik Keńesi men memlekettik organdar jumysynda paıdalanylatyn naqty usynystar berildi.
«Egemen-aqparat».