Jánibek Álimhanulynyń 6 jeltoqsanǵa josparlanǵan tarıhı jekpe-jegi ótpeıtin boldy. WBO jáne IBF tujyrymdary boıynsha orta salmaqtaǵy álem chempıony Jánibek Álimhanuly Erıslandı Laraǵa qarsy ótkizetin jekpe-jeginiń aldyndaǵy dopıng testinen ótpeı qalǵanyn habarlaǵan edik. Otandasymyzdyń endigi kásibı mansabyna qatysty belgili bapker Jumabek О́mirzaqov pikir bildirdi, dep jazady Egemen.kz.
Qazaqstannyń eńbek sińirgen sport sheberi Jumabek О́mirzaqov sportarena.kz saıtyna bergen suhbatynda Jánibek Álimhanulynyń endi iri jekpe-jekter ótkizbeýi yqtımal ekenin aıtty.
«Jánibek meldonıı preparatyn qoldaný týraly oılamaǵan bolý kerek. Menińshe, oǵan bul usynysty komandalastary jasady nemese bir jerden estidi. Sebebi kýbalyq qabylan Erıslandı Laraǵa qarsy 12 raýnd boıy judyryqtasý úshin kardıo kerek. Al Jánibek tolyq jekpe-jekke tótep bermeıtinin sezdi. Laranyń boıynda kýbalyq boks mektebiniń sheberligi qalyptasqan ári 42 jasqa deıin jıǵan tájirıbesi bar. Endi Jánibek Álimhanulymen judyryqtasýǵa eshkim kelisim bermeýi múmkin. Bul áreketimen ol óziniń mansabyn tyǵyryqqa tiredi», dedi Jumabek О́mirzaqov.
Aıta keteıik, Álimhanulynyń naqty dopıng qoldanǵan-qoldanbaǵany zerttelip jatyr.
«Qazaq Style» komandasy bul jańalyqty estiginde tańǵalǵanyn jasyrmady.
Al elimizdiń Sport jáne týrızm mınıstrligi máselege aralasyp, qajetti sharalardy oryndaý úshin otandasymyzǵa qoldaý kórsetetinin málimdedi.
Qazaqstan kásibı boks federasııasynyń prezıdenti de dopıng daýyna qatysty pikir bildirdi.