Búgin, 6 jeltoqsan kúni Shymbulaq taý-shańǵy kýrortynyń qysqy maýsymy saltanatty túrde ashyldy. Myńdaǵan adam kýá bolǵan jańa maýsymnyń ashylýynda kúni boıy bes jerde konsert qoıylyp, syrǵanaıtyn joldarda sporttyq, merekelik sharalar ótti, dep jazady Egemen.kz.
Kúni boıy qonaqtar úshin tańerteń bazalyq stansııada DJ-ler, Stradivari kvarteti, bı ujymdary óner kórsetip, otbasymen kelgenderge arnalǵan ınteraktıvti baǵdarlamalar uıymdastyryldy. Kúndizgi baǵdarlamanyń sánin ındı-mýzykant Dudeontheguitar keltirdi.
Jańa maýsymynyń ashylýyna oraı, Medeýdegi alańda Red Bull DJ-setterin oınasa, muz aıdynynda da mánerlep syrǵanaýshylardyń arnaıy qoıylymdary saltanat qurdy.
Búgin Talǵar asýynda da mýzykalyq oıyn-saýyq baǵdarlamalary ótti. Al Ortadaǵy stansııada alǵash ret Shymba Après Ski dástúrin bastady.
«Après Ski» dep otyrǵanymyz, shańǵy teýip sharshaǵannan keıingi erkin damyldaý, áńgimelesý formatyndaǵy kúndizgi demalys. Bıylǵy Shymba Après Ski merekesin Elevation men Vihod promo-komandalary birlese ótkizdi. Qonaqtar qala panoramasyn, zamanaýı mýzykalardy tyńdap, ashyq taý-shańǵy qaýymdastyǵynyń kóńil-kúıin tamashalady. Endi Shymba Après Ski ár senbi saıyn Le Mont alańynda uıymdastyrylmaq.
Qazir Shymbulaq taý-shańǵy kýrortynda «Talǵar», «Jasyl qaıyń», «Aq aıý» men «Aq barys» syrǵanaq joldary ashyq. Aýa raıy turaqtalǵan kezde basqa da qosymsha joldar iske qosylady. Sondaı-aq Talǵar asýyndaǵy túngi syrǵanaq maýsymy bastaldy.
«Ár maýsymdy kýrortymyzdaǵy syrǵanaý qaýipsizdigi men qysqy demalysqa muqııat daıyndyqtan bastaımyz. Tehnıkalyq mamandar arqanjoldardy tolyq tekserip shyǵyp, jabdyqtyń birazyn jańartty. Bıyl qonaqtar jalǵa beriletin aımaqtarynyń keńeıgenin, qyzmet kórsetetin mamandardyń jumysy jaqsarǵanyn birden baıqady. Bizdiń mamandar betkeılerdi syrǵanaýǵa ázirleýdi jalǵastyryp jatyr, al turaqty aıaz bastalǵanda taǵy da birneshe jol ashylady. Qonaqtarymyzdyń ózderin betkeılerde senimdi ári qaýipsiz sezinýi biz úshin asa mańyzdy», – deıdi Chimbulak Development kompanııasynyń basqarýshy dırektory Nurlan Seıtqazın.