Oń kórsetkishter qalaǵa qyzyǵýshylyqtyń turaqty ósip otyrǵanyn aıǵaqtaıdy. Týrıster leginiń artýy ınfraqurylymdy damytý, qyzmet kórsetý sapasyn jaqsartý jáne Almatynyń halyqaralyq tanymaldyǵyn keńeıtý boıynsha júrgizilip jatqan jumystardyń tıimdiligin kórsetip otyr, dep habarlaıdy Egemen.kz.
2025 jyldyń 9 aıynda megapolıske 1 869 375 adam kelgen. Bul byltyrǵy osy kezeńmen salystyrǵanda 8,1%-ǵa artyq (1 729 601 adam). Solardyń ishinde 563 myńy sheteldik týrıster bolyp, 11%-ǵa ósti. Al 1,3 mln ishki saıahatshylar, olardyń sany 6,9%-ǵa artqan.
Reseıden 124,2 myń adam kelgen, bul ótken jylmen salystyrǵanda 5,7%-ǵa kóp. Qytaıdan kelgen qonaqtar sany 102,1 myń adamǵa jetip, birden 39,2%-ǵa ósti. Úndistannan kelgender legi 85,6 myń adamǵa jetip, 3,5% ósim kórsetti.Sondaı-aq sheteldik týrıster sany boıynsha kósh bastap turǵan elder qatarynda Túrkııa (28 670 adam, ósim 9,1%), Koreıa Respýblıkasy (18 535 adam, ósim 17,5%), Germanııa (12 549 adam, ósim 15,6%), Qyrǵyzstan (12 356 adam, ósim 18,9%), О́zbekstan (12 259 adam, ósim 8,9%), Ulybrıtanııa (10 143 adam, ósim 7,1%), Italııa (7 637 adam, ósim 28,5%), Saýd Arabııasy (6 750 adam, ósim 5,2%), Malaızııa (5 773 adam, ósim 16,9%), Fransııa (4 688 adam, ósim 25,4%) bar.
Qala ákimdiginiń málimetinshe, halyqaralyq deńgeıde tanylý júrgizilip jatqan jumystyń tıimdiligin rastaıdy. Almaty bıyl barýǵa usynylǵan baǵyttar tizimine Cable News Network (CNN) arnasy tarapynan engizildi, al brıtandyq The Telegraph basylymy Almatyny «Ortalyq Azııanyń injý-marjany» dep atady. Booking.com taldamaly dereginshe, Almaty Ortalyq Azııadaǵy týrıstik baǵyttar arasynda eń jyldam damyp kele jatqan ondyqqa enedi.