Alabıno polıgonynda «Tank bıatlony» ekıpajdary jeke saıystarynyń qorytyndysy shyǵaryldy, sondaı-aq, jarystyń jartylaı fınalynda básekeni jalǵastyratyn segiz komandanyń aty ataldy, dep habarlady Qorǵanys mınıstrliginiń baspasóz qyzmeti.
Sonymen, jeke jáne jalpy komandalyq esepte úzdikter úshtiginde Qazaqstan, Reseı jáne Qytaı tankısteri, al Úndistan men Armenııa tórtinshi jáne besinshi orynda. Segizdikti Serbııa, Qyrǵyzstan jáne Tájikstan jabady. Kýveıt, Mońǵolııa, Venesýela, Angola men Nıkaragýa «Tank bıatlonynan» shyǵyp qaldy.
«Qazaqstan komandasynyń sheberligi anaǵurlym shyńdalǵan. Nátıjeler óte jaqsy. О́tken jylmen salystyrǵanda básekelestik kúsheıgen. Oıyndar óte sátti ótýde. Bul mashınalar men ekıpajdardyń saıysy ǵana emes, bul elder arasyndaǵy dostastyq», – dep RF QK Qurlyq áskerleriniń bas qolbasshysy general-polkovnık Oleg Salıýkov oıyn bildirdi.
Jeke jarystyń basynan bastap «Tank bıatlonyndaǵy» negizgi báseke Qazaqstan men Reseı arasynda óristetildi. Eki eldiń ekıpajdary teńbe-teń kele jatty. Komandalardy birneshe upaı ǵana bólip turdy. Endi tankısterimizge sońǵy «Estafeta» kezeńinde sátti óner kórsetip, sheshýshi kezeńge sytylyp shyǵý qajet. Onda myqty komandalardyń ishinen «Tank bıatlony-2015» jarysynyń bir jeńimpazy anyqtalady.
«Egemen-aqparat».