Úkimet otyrysynan keıin ótken baspasóz máslıhatynda Kólik mınıstri Nurlan Saýranbaev elimizde pılotsyz kólik jobalarynyń iske asyrylý jospary týraly aıtty, dep jazady Egemen.kz.
Mınıstrdiń sózinshe, Qazaqstanda jańa tehnologııalardy kezeń-kezeńimen engizý kózdelip otyr. Ol aldymen júk kólikterine qatysty pılottyq jobany atap ótti.
– 2027 jyly alǵashqy pılotsyz júk kólikterin iske qosý josparda bar. Al pılotsyz taksı qyzmetine kelsek, ol da josparda tur. Zań jobasynda pılotsyz taksımen birge aerotaksı máselesin de qarastyrǵanbyz. Kelesi jyly ol qujatty Parlamentke engizemiz. Biz zaman kóshinen qalmaýǵa, jańa tehnologııalardy Qazaqstan aýmaǵynda da qoldanýǵa tyrysamyz, – dedi N.Saýranbaev.
Mınıstr pılotsyz taksı engizý kezinde qaýipsizdik máselesi basty nazarda bolatynyn atap ótti. Sondaı-aq bul baǵytta Qytaı tájirıbesiniń zerttelip jatqanyn jetkizdi. Onyń aıtýynsha, qaýipsizdik talaptary qamtamasyz etilse, jobany iske asyrýǵa tolyq múmkindik týady.
Saýranbaev 2027 jyly pılotsyz júk kólikterin engizý josparlanyp otyrǵanyna toqtaldy. Ol pılotsyz taksı qyzmetiniń de bolashaqta iske asýy múmkin ekenin atap ótti. Álemniń kóptegen qalasynda mundaı júıe qoldanyla bastaǵanyn, biraq belgili bir shekteýler bar ekenin túsindirdi.
Mınıstr Qytaıdyń Shenchjen qalasynda pılotsyz taksılerge ruqsat berilgenin, alaıda ázirge olardyń ishinde qaýipsizdik maqsatynda júrgizýshi birge otyratynyn mysalǵa keltirdi. Qazaqstanda da dál osyndaı kezeń-kezeńimen engizý tásili qoldanylýy múmkin ekenin aıtty. Onyń sózinshe, barlyq shara jolaýshylardyń qaýipsizdigin qamtamasyz etý úshin jasalady.