Bıyl Qazaqstan júkti áıelderge mamandandyrylǵan kómektiń qoljetimdiligin keńeıtti jáne týa bitken damý kemistikterin erte anyqtaý júıesin kúsheıtti, dep jazady Egemen.kz.
Baǵdarlamany iske asyrý uryqtyń týa bitken kemistikterin anyqtaýdyń 13%-ǵa ósýine, prenataldyq skrınıngtermen qamtýdyń 8%-ǵa ulǵaıýyna, damý kemistikterinen náreste óliminiń 15%-ǵa jáne damý kemistikterinen bastapqy múgedektiktiń 7,5%-ǵa tómendeýine ákeldi.
Joǵary tehnologııalyq kómek damýda: fetaldyq hırýrgııa engizildi. 2025 jyly 92 jatyrishilik operasııa jasaldy, 105 bolashaq náresteniń ómiri saqtaldy. Kóp uryqty 79 júkti áıel sátti bosandy.
Ýaqytyly mamandandyrylǵan kómekti qamtamasyz etý úshin 22 oblystyq perınataldyq ortalyqta Uryqty qorǵaý ortalyqtary quryldy.
2025 jyldyń 9 aıynyń qorytyndysy boıynsha náreste ólimi tarıhı eń tómengi deńgeıge jetti, 1000 tiri týǵan nárestege shaqqanda 5,84, bul 2024 jyldyń sáıkes kezeńimen salystyrǵanda 19,3%-ǵa tómen.
10 aıda jańa týǵan nárestelerdiń ólimi 1 myń tiri týǵan nárestege shaqqanda 3,4-ten 3,1-ge deıin tómendedi.