Úshinshi megapolıste qazaq estradasyna jańa esimderdi tanytýdy maqsat etken án baıqaýy bastaldy. Baıqaýda elimizdiń túkpir-túkpirinen jınalǵan 63 úmitker baq synaýda, dep habarlaıdy Egemen.kz.
Saraptaý nátıjesinde 21 jas ánshi baıqaýdyń II kezeńine joldama aldy. Ádil qazylar qatysýshylardyń vokaldyq sheberligimen qatar sahnadaǵy mádenıeti men shyǵarmany kórkem jetkizýdegi qabileti de saralanǵanyn aıtty.
Baıqaýda elimizge tanymal ánshi, sazger, QR eńbek sińirgen qaıratkeri Jeńis Seıdollauly, estrada juldyzy, QR eńbek sińirgen qaıratkeri Janna Orynbasarova, jastar arasynda keńinen tanymal ánshi Ernazar Melsuly, «Qaǵan» etnofolklorlyq ansamblin qurýshysy Nurbolat Ámirhanuly jáne QR mádenıet qaıratkeri Amantaı Berǵalıev qazylyq etti.
Án saıysynyń júlde qory 9 mıllıon teńgeni quraıdy. Bas júlde — 2 mıllıon teńge, sondaı-aq I, II, III oryn ıegerleri men basqa da nomınanttarǵa arnaıy syılyqtar qarastyrylǵan.
Shymkent