«Great Sky» kompanııasy Bas dırektorynyń birinshi orynbasary Andreı Tıhonenko Centralasianow basylymyna bergen suhbatynda «ASPAN» jobasy týraly aıtty. Joba aıasynda elimizdegi 4 kásiporynda oq-dárilerdiń negizgi komponentteri óndiriledi, dep jazady Egemen.kz.
Qazirgi ýaqytta jobanyń alǵashqy zaýyty – ASPAN-1 salynyp jatyr, munda – snarıadtar men mınalardyń korpýstary óndiriledi.
«Joba óte perspektıvaly, óıtkeni Qazaqstanda oq-dári óndirisine qajetti metall, maqta, qyshqyldar jáne basqa materıaldar bar», dedi A.Tıhonenko.
Joba otandyq armııa qoldanatyn mınomet mınalaryn jáne artıllerııalyq snarıadtardy (82 mm, 120 mm, 122 mm jáne 152 mm), sondaı-aq NATO standarty boıynsha ázirlengen eksportqa arnalǵan oq-dárilerdi – 155 mm (M107, M795) snarıadtary men 60 mm mınalardy shyǵarýdy maqsat tutqan.
ASPAN-1 zaýytynyń alǵashqy ónimi 2027 jyly shyǵarylady dep kútilip otyr. Jobanyń jalpy quny – shamamen 1 mlrd dollardy quraıdy.