Zań kúsheıgenimen, mal urlyǵy tıylmaı tur. Jýyqta Tarbaǵataı aýdanynda polıseıler mal urlaý faktisiniń jolyn kesti, dep habarlaıdy Egemen.kz.
Polısııanyń kezekshi bólimine bes bas iri qara maldyń urlanǵany týraly habar túsken. Ár maldyń quny 300 myń teńge bolyp baǵalansa, jalpy shyǵyn 1,5 mıllıon teńgeni quraǵan. Jedel izdestirý is-sharalary kezinde kúdikti izin sýytpaı anyqtalyp, óz kinásin moıyndady. Urlanǵan mal tabylyp, ıesine qaıtaryldy.
Qazirgi ýaqytta atalǵan fakti boıynsha sotqa deıingi tergeý jumystary júrgizilip jatyr.
ShQO Polısııa departamenti mal urlyǵy aýyldyq jerlerde ózekti máselelerdiń biri bolyp qala beretinin atap ótti. Polısııa profılaktıkalyq jumysty kúsheıtip, turǵyndardy múlikteriniń saqtalýyna muqııat qaraýǵa jáne janýarlardyń joǵalǵany týraly birden 102 nómirine habarlaýǵa shaqyrady.