Almaty qalasynyń ákimi Darhan Satybaldy Táýelsizdik kúni jáne Jeltoqsan oqıǵasynyń 39 jyldyǵy qarsańynda Jeltoqsan kóterilisine qatysqan azamattarmen kezdesti. Ákim Almatynyń qoǵamdyq ómirine belsene úles qosyp júrgen jeltoqsanshylardyń patrıottyq ustanymyn, azamattyq pozısııasyn jáne ulttyq qundylyqtarǵa beriktigin atap ótti, dep jazady Egemen.kz.
Kezdesý barysynda qatysýshylardy tolǵandyrǵan áleýmettik-turmystyq máseleler kóterilip, qosymsha áleýmettik qoldaý sharalary talqylandy. Sonymen qatar Jeltoqsan oqıǵasynyń 40 jyldyǵyna oraı qatysýshylardyń usynystaryn eskere otyryp, keshendi eske alý is-sharalarynyń jospary ázirlenedi. Ásirese ulttyq rýhty nyǵaıtýǵa jáne jastardy tárbıeleýge baǵyttalǵan tanymdyq ári patrıottyq bastamalarǵa basymdyq beriledi.
Kezdesý sońynda Darhan Satybaldy Memleket basshysy Qasym-Jomart Toqaevtyń bastamalaryn qoldap júrgeni jáne azamattyq qoǵamdy damytýǵa qosqan eleýli úlesi úshin jeltoqsanshylarǵa alǵys bildirdi. Ákim atap ótkendeı, qala ákimdigi, Máslıhat depýtattary jáne qoǵamdyq uıymdar júrgizilip jatqan reformalardy júzege asyrý jáne qalany damytý boıynsha birlesken jumysty jalǵastyrady.
Táýelsizdik kúnine oraı Respýblıka alańyndaǵy «Táýelsizdik» monýmentine jáne Jeltoqsan kóshesindegi «Táýelsizdik tańy» eskertkishine gúl qoıý rásimi ótedi.