Shotlandııa muǵalimderge tórt kúndik jumys aptasyn synaqtan ótkizbek. Bul – jaı eksperıment emes, ustazdardyń júktemesin azaıtyp, mamandyqtyń bedelin arttyrýǵa baǵyttalǵan qadam.
Úkimettiń jospary boıynsha, qanatqaqty joba aıasynda sabaq tek tórt kún bolmaq. Al daıyndyq, josparlaý, oqýshylardyń jumystaryn baǵalaý sııaqty tolyp jatqan kózge kórinbeıtin eńbek mektepten tys jerde atqarylady. Negizgi maqsat – muǵalimge erkindik berse, oqý sapasy da joǵarylaıtynyn dáleldeý. Joba ustazdardyń kúızelis deńgeıine, mamandardyń mektepte turaqtap qalýyna, bilim sapasyna qalaı áser etetinin jan-jaqty baǵalaýǵa múmkindik beredi.