ASTANA. 22 aqpan. Astana ýaqytymen 5 saǵat 40 mınýtta qazaqstandyq Gennadıı Golovkın WBA jáne IBO versııalary boıynsha chempıondyq ataǵyn qorǵaý úshin brıtanııalyq Martın Mıýrreımen bolǵan urysta 11-raýndta nokaýtpen jeńiske jetti. Bul týraly egemen.kz tilshisi habarlady.
Monte-Karloda ótken «Úlken boks keshinde» atalmysh qarsylastar 04:45 saǵatta rıngke kóterildi.
Eske sala keteıik, bul kúni bir-birimen túıdeı qurdas eki boksshy da 32-shi márte sharshy alańdaǵy jekpe-jekke shyqty. Bizdiń baǵlan ádettegideı urystyń basynan onyń tizginin qolyna ustady. Rıng tórinde birinshi nómirmen oınaǵan onyń qımyldary barǵan saıyn senimdi bola tústi. Sonyń yńǵaıynda Gena qarsylasyn 4-raýndta eki ret nokdaýnǵa jiberdi. Sodan keıin 10-raýndta da brıtanııalyq jigit jer sıpap qaldy. Munyń ekeýinde de ony sol kezde soǵylǵan gong aman saqtap qaldy. Degenmen, 11-raýndta Martın Genanyń soqqysynan qutyla almady. Bul joly óte qatty tıgen joıqyn soqqy ony birjola turalatyp tastady. Nokaýt!
Osymen Gennadıı Golovkın óziniń 2015 jylǵy maýsymashar shaıqasyn jeńispen aıaqtap, jalpy utysynyń sanyn 32-ge jetkizdi. Bylaısha aıtqanda, barlyq aıqastarynda tek jeńiske qol jetkizdi. Ol bulardyń 29-n nokaýtpen bitirdi. Sóıtip, ataqty Maık Taısonnyń nokaýt sany jónindegi rekordyn qaıtalady. Jaraısyń, Gena!
Rýslan Igilik.
Derek: egemen.kz.
Foto: «VKontakte».