Taldyqorǵan qalasynda bir mezette úsh jańa shaǵyn aýdannyń qurylysy bastalyp, Qaratal ózeniniń oń jaǵalaýynda turǵyn úıler boı kótermek, dep jazady Egemen.kz.
Qala ákimi Ernat Bázil qalanyń aldaǵy damý josparymen tanystyryp, jyl ishinde atqarylǵan jumystarǵa toqtaldy. Onyń aıtýynsha, bıyl oblys ortalyǵynda birneshe óndiristik nysan iske qosyldy. 200-ge jýyq turǵyn úı paıdalanýǵa berilip, jańa turǵyn úı aýmaǵy qalyptasty.
Sonymen qatar uzaq ýaqyt nazardan tys qalǵan burynǵy áskerı qalashyqtaǵy áleýmettik máseleler kezeń-kezeńimen sheshile bastady.Bıyl «Ulan» shaǵyn aýdanynda 20 kópqabatty úıdiń qasbeti jóndelip, balkondary jańartyldy. Aýlalarǵa zamanaýı oıyn alańdary ornatyldy.
Qala turǵyny Gúlnur Toqtabekovanyń aıtýynsha, úsh jyl buryn bul aýmaqta ınfraqurylym bolmaǵan. Qazir turǵyndar úshin barlyq jaǵdaı jasalyp, áskerı qalashyqtyń kelbeti aıtarlyqtaı ózgergen.
Sonymen qatar Taldyqorǵanda gazbeton, keramıka jáne elektr jabdyqtaryn shyǵaratyn zaýyttar, sondaı-aq kondıterlik ónim óndiretin seh ashyldy. Akkýmýlıator zaýytynda jańa óndiristik jeli iske qosyldy.
Zaýyttyń óndiristik dırektory Talǵat Qonaqbaev kásiporynda telekommýnıkasııa, medısınalyq mekemeler, jel elektr stansııalary men iri óndiris oryndaryna arnalǵan akkýmýlıator batareıalary shyǵarylatynyn aıtty. О́ndiris tolyq jańartylyp, sıfrlandyrý júıesi engizilgen.
Qalada eskirgen ınjenerlik jeliler jańartylyp jatyr. Bıyl júzden astam kóshege asfalt tóselip, «Jastar-3» atty jańa shaǵyn aýdan salyndy.
Qala ákiminiń málimetinshe, barlyǵy 790 turǵyn úı salý josparlanǵan. О́tken jyly 56 úı paıdalanýǵa berilse, bıyl 206 úıdiń qurylysy tolyq aıaqtalyp, «Otbasy bank» arqyly turǵyndarǵa usynylady. Sondaı-aq 9-yqsham aýdanda eki iri turǵyn úıdiń qurylysy támamdalýǵa jaqyn.
Aldaǵy jyly «Batys» jáne «Qulager» shaǵyn aýdandarynda mektepter salynyp, jańa turǵyn úı aımaqtarynyń negizi qalanbaq.
Qala basshysy 11, 12 jáne 13-yqsham aýdandarda ınjenerlik ınfraqurylym jumystary bastalǵanyn aıtyp, olar kelesi jyly aıaqtalatynyn jetkizdi. Sonymen qatar respýblıkalyq bıýdjet esebinen órt sóndirý deposy, jańa turǵyn úıler men iri qazandyq salý josparlanǵan. Bul aýmaqtyń damýy aldaǵy eki-úsh jylǵa baǵyttalǵan.2027 jyldan bastap Qaratal ózeniniń oń jaǵalaýyn damytý jumystary qolǵa alynady. Onda turǵyn úılermen qatar medısınalyq jáne áleýmettik nysandar salý kózdelip otyr.